اسلام آباد ۔ 25 نومبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ دو روچی تر ءُُ تاب ءِ واستہ سعودی عرب ءَ روادگ بوتگ، آ جدہ ءَ او آئی سی ءِ جوڑیشت ءِ گولڈن جوبلی مراگش ءَ پاکستان ءِ سروکی ءَ کنت انت ۔ ھاسیں کمکار برائے اھوالکاری ءُُ شنگ کاری او آئی سی ءِ سیکرٹری جنرل ءُُ سعودی وزیر ءِ درئی کار ءِ دعوت ءِ پد ءَ گولڈن جوبلی مراگش ءَ بھر زوری کنت انت ۔ پاکستان جوڑیشتکاریں باسک ءِ بستار ءَ او آئی سی ءَ مُدام برجا ءُُ زرمبشیں کرد ءَ پیلو کتگ ۔ روادگی ءَ چہ پیسر وتی گپ ءُُ تران ءَ ڈاکٹر فردوس عاشق اعوان ءَ گوشت کہ ناروے ءَ قرآن پاک ءِ بے شرپی سک باز اپسوزی واکیہ ات ایشی ءِ ھمینکیاس ایراد گرگ بہ بیت باز کم انت ۔ مزن وزیر عمران خان ءِ داتگیں پنت ءُُ شون ءِ پد ءَ ناروے ءِ وڑیں بد بھتی ءُُ اپسوزی واکیہ ات، مقبوضہ جموں کشمیر ءِ استیں ھرابیں جاور ھال ءُُ بابری مسیت ءِ ھوالگ ءَ مسلمان آنی ھک آناں آوار جنگ ءُُ آوانی جوزگ آنی لگت مال کنگ ءِ ھلاپ ءَ گوانک ءَ چست کناں ۔ آئی ءَ گوشت کہ اسلام فوبیا ءِ گوما بندوکیں درشان دگنیا ءِ ایمنی ءِ واستہ بیم انت، اسلام فوبیا ءِ پجار ءِ وستہ توا میں اسلامی ملک آناں پراھ ءُُ شاھیگانیں یکجائیں کار رھبند ءِ جوڑیشت کنگ لوٹ ایت ۔ آئی ءَ گوشت کہ مارا اسلام ءِ راجیں ءُُ روشنائیں لکا سرج میں دگنیا ءِ دیم ءَ سہرا کنگ لوٹ ایت ۔
