صدر ءِ مملکت ڈاکٹر عارق علوی ءَ گتر ءِ امری گارڈ ءِ کمانڈر سٹاف ءِ ڈل ءِ ھمبراھی ءَ گند ءُُ نند

صدر ءِ مملکت ڈاکٹر عارف علوی ءِ گتر ءِ امری گارڈ ءِ کمانڈر سٹاف میجر جنرل حزہ بن خلیل ءَ گوں تران

اسلام آباد ۔ 25 نومبر (اے پی پی) صدر مملکت ڈاکٹر عارف علوی ءَ گوشت کہ بھارتی شتلیں حکومت مقبوضہ جموں کشمیر ءَ یک شل ءَ بنی آدمی ھک آنی لگت مالی ءَ کنگ ءَ انت، کشمیر ءِ ھاسیں بستار ءَ را ھلاس کنان ءَ 113روچ ءَ چہ ترندیں کرفیو جتگ ایشی ءَ چہ شہری مردم بندی انت ۔ آئی ءَ گوشت کہ بھارت ءِ راستیں لکا مقبوضہ جموں کشمیر ءِ سرڈگاری بستار ءَ را مٹ کنگ انت ایشی ءِ واستہ آ اقوام ءِ متحدہ ءِ بازیں منوگری ءُُ بنی آدمی ھک آنی گیشینتیگیں رھبند آناں منگ ءَ انت ۔ ایوان ءِ صدر ءَ چہ جاڑی بوتگیں پریس ریلیز ءِ رد ءَ اے ھیالانی درشان صدر ءِ مملکت ءَ گتر امری گارڈ ءِ کمانڈر سٹار میجر جنرل حزہ بن خلیل بن منصور الشہوانی ءَ گوں تران کنان ءَ کت آئی ءَ وتی ڈل ءِ ھمبراھی ءَ ادا ایوان ءِ صدر ءَ گوں صدر ءِ مملکت ءَ گند ءُُ نند کت ۔ آئی ءَ گوشت کہ بھارتی جنتا پارٹی ءِ سروکی ءَ بھارتی حکومت ءَ بھارت ءَ نندوکیں توا میں درئی راج آنی گوما ناروائیں سلوک کتگ ۔ آئی ءَ گوشت کہ اے ھوالگ ءَ میاں اوستمانی برات ءِ زمہ واری انت کہ آ یونائیٹڈ نیشن ءِ منوگری ا انی رد ءَ کشمیر ءِ جیڈھ ءِ گیواری ءِ واستہ بھارت ءِ سر ءَ زور پر بدینت ۔ صدر ءِ مملکت ءَ گتر ءِ سر ءَ ھم زور پردات کہ آ بھارتی مقبوضہ کشمیر ءَ بنی آدمی ھک آنی لگت مالی ءَ را دگنیا ءِ دیم ءَ سہرا کنگ ءِ واستہ حکومت ءِ پاکستان ءِ کوشت آنی کمک ءَ بنکت ءُُ اے جیڈھ ءِ گیواری ءَ وتی کرد ءَ پیلو بکنت ۔ صدر ءِ مملکت ءَ اے گپ ءِ سر ءَ زور پر دات کہ پاکستان گتر ءِ گوما دوستی ءَ را شرپ ءِ چماں گوں چار ایت ۔ آئی ءَ دوئیں ملک آنی نیام ءَ نزیکیں سیاسی، اقتصادی ءُُ کوھنیں یکوئی آنی سر ءَ دل یکیمی ءِ درشان کت ۔ صدر ءِ مملکت ءَ وتی سلاھ بندیں اُرد ءِ سلامتی ءُُ کزبی ازمکاریں ءُُ تجروبت آناں سہرا کنان ءَ گوشت کہ پاکستان فٹ بال ورلڈ کپ 2022ءِ واستہ گتر ءَ را سیکورٹی پجاری کت کنت ۔ اے موہ ءِ سر ءَ گتر ءِ کمانڈر ءَ گوشت کہ گتر ھمک تک ءَ پاکستان ءِ کمک ءَ وتی نیک راھی فرض ءِ پھم ایت ۔ کمانڈر ءَ صدر مملکت ڈاکٹر عارف علوی ءَ را شمشیر ٹیکی دات ۔