وزیراعظم نا سلاہکار خزانہ ڈاکٹر عبدالحفیظ شیخ نا پاکستان انوویٹیو فنانس فورم آن تران

اسلام آباد۔ 25نومبر (اے پی پی) وزیراعظم نا سلاہکار خزانہ ڈاکٹر عبدالحفیظ شیخ پارینے کہ ملکی زرگزران اٹی سوگوی بننگ ءِ، پاکستانی بانڈز اٹی زرکاری اسہ ارب ڈالر اسکان سرمس، براہ راست درملکی زرکاری ہم ودنگ ءِ۔ داخیال آتا درشانی ءِ او دوشنبے نادے آ داڑے انوویٹیو فنانس فورم آن تران کرسا کرے۔ سلاہکار خزانہ پارے کہ ملکی زرگزران اٹی سوگوی بننگ ءِ، پاکستانی بانڈز اٹی زرکاری اسہ ارب ڈالر اسکان سرمس، براہ راست درملکی زرکاری ہم ودنگ ءِ، ہند ن ءُ چاگڑد اس ودی کننگ اُن کہ کاروبار و برآمدآک ودر۔ اوپارے کہ مالی سال انا چار تُو اٹی ریونیو وصولی 16دسد ودکی مسنے، حکومت مالی نظم ونسق،شفافیت و گچین طرز حکمرانی کن پرعزم ءِ، معاشی شونداری کن درکار پائیدار پلیٹ فارم اس جوڑ کرینن۔