پولیو نا کیس آتا ودوک آ کچ انا رداٹ نیشنل سٹریٹجک ایڈوائزری پڑک اس جوڑ کرینن، خصوصی کمکار جان جوڑی ڈاکٹر ظفر مرزا نا بیان

اسلام آباد۔ 25نومبر (اے پی پی) خصوصی کمکار جان جوڑی ڈاکٹر ظفر مرزا پارینے کہ پولیو پروگرام اسہ قومی ءُ پروگرام اسے ہرادے سیاست آن پاک کننگ خوانہ، چاہندار آتیا تالان پولیو نا کیس آتا ودوک آ کچ انا رداٹ وائرس نا توننگ کن نیشنل سٹریٹجک ایڈوائزری پڑک اس جوڑ کرینن، پولیو نا چٹفنگ اٹی سیاسی شخصیت آک، سفارتکار، عالم دینک، صحافتی برادری تینا کڑد ءِ ادا کیر۔ داخیال آتا درشانی ءِ او دوشنبے نادے آ جاری بیان اٹی کرے۔ وزارت جان جوڑی نا ترجمان نا رداٹ وزیراعظم نا سلابت اٹ پولیو نا چٹفنگ کن نیشنل سٹریٹجک ایڈوائزری پڑک اس جوڑ کرینن، نیشنل سٹریٹجک ایڈوائزری پڑک نا سروک ڈاکٹر ظفرمرزا مریک۔ خصوصی کمکار ڈاکٹر ظفر مرزا پارے کہ پولیو نا کیس آتا ودوک کچ انا رداٹ وائرس نا توننگ کن نیشنل سٹریٹجک ایڈوائزری پڑک اس جوڑ کرینن۔ چاہندارآتا پڑک نا جوڑ کننگ وزیراعظم نا سلابت اٹ کننگانے۔ اوپارے کہ پڑک اٹی پولیو کن کاریم کروک آ چاہندار و مسکوہی عہدیدار آتے ہم اوار کننگانے۔ ایڈوائزری پڑک نا جوڑ کننگ نا دا فیصلہ ءِ ساڑی آ پولیو نا 91 کیس آتا مون آ بننگ آن پد کننگانے۔ اوپارے کہ مستین اٹی پولیو نا چٹفنگ کن کاریم کروک آ شہناز وزیر علی و سینیٹر عائشہ رضافاروق ہم پڑک اٹ اوار ءُ۔ پڑک پولیو نا برخلاف عملدرآمد، حکمت عملی ٹی پیش رفت کن مشورہ ایتک۔ ڈاکٹر ظفر مرزا پارے کہ پاکستان اٹی پولیو نا چٹفنگ ءِ قومی اولیت نا وڑاٹ ہلنگک۔ غٹ صوبہ غاک خاص کر کے پی کے ٹی پولیو نا ودوک آ کیس آتیا گڑتی ءِ، سیاسی و راجی واشگاف کمکار ی و عزم انا کمک اٹ پولیو نا چٹفنگ کن امنائی اٹ کاریم کننگ نا فیصلہ ءِ کننگا۔ پولیو پروگرام اسہ قومی ءُ پروگرام اسے ہرادے سیاست آن پاک کننگ خوانہ۔ اوپارے کہ پڑک نا ایلو باسک آتے ٹی جان جوڑی نا بارواٹ قومی اسمبلی نا قائمہ کمیٹی نا چیئرمین ایم این اے خالد مگسی ہم اوار ءِ۔ پارلیمانی سیکرٹری جان جوڑی ڈاکٹر نوشین حامد، اقوام متحدہ ٹی پاکستان نا مسکوہی سفیر ضمیر اکرم ہم اوار ءِ۔ اوپارے کہ سندھ انا صوبائی اسمبلی نا باسک ڈاکٹر سنجے گنگوانی ہم اوار ءِ۔ اوپارے کہ سیاسی شخصیت، سفارت کار، عالم دین، صحافی تیان پولیو نا چٹفنگ کن فائدہ ہرفنگ خوانہ۔