وزیراعظم عمران خان کلین اینڈ گرین پاکستان انڈیکس ایپ انا بناءِ کرے

اسلام آباد۔ 25نومبر (اے پی پی) وزیراعظم عمران خان کلین اینڈ گرین پاکستان انڈیکس ایپ انا بناءِ کرینے۔ وزیراعظم عمران خان دوشنبے نادے آ داڑے کنونشن سینٹر اٹی اڈ ہلوک آ دود اٹی کلین اینڈ گرین پاکستان انڈیکس ایپ انا بناءِ کرے، دا ایپ انا کمک اٹ ملک انا جتا 19 شار تا سفائی ستھرائی و ایلو بنداو تیا درجہ بندی مرتب کننگک۔ کلین اینڈ گرین پاکستان انڈیکس شار تیٹی پشاور، ملتان، لاہور، فیصل آباد، راولپنڈی، مری، اٹک، گوجرانوالہ، گجرات، سیالکوٹ، بنوں، سرگودھا، بہاولپور، ڈی جی خان، ساہیوال، ڈی آئی خان، مردان، کوہاٹ، مالاکنڈ و ایبٹ آباد اوار ءُ۔ دود اٹی کلین اینڈ گرین پاکستان انڈیکس کن دا شارتا تعلقدار نمائندہ غاک سوغند ہرفیر۔ وزیر مملکت موسمیاتی بدلی زرتاج گل اوفتیان سوغند ہلک۔ داوخت آ وزیراعظم عمران خان، وزیراعظم نا سلاہکار موسمیاتی بدلی امین اسلم ہم ساڑی ئس۔ دود اٹی وزیر مملکت پارلیمانی امور علی محمد خان، وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان، وزیراعظم نا خصوصی کمکار امو رنوجوانان عثمان ڈار تون اوار اہم سیاسی و غیر سیاسی شخصیت و بڑزکو کمامدارآک بشخ ہلکر۔