پوسکن آ پاکستان ہاؤسنگ اسکیم نا رجسٹریشن نا 15دسمبر اسکان ودفنگ نا مسخت زیات آن زیات خلقت ءِ اسکیم آن فائدہ ہرفنگ نا موقع تننگ نا ءِ، وزیر مملکت ہاؤسنگ اینڈ ورکس شبیر علی قریشی نا ”اے پی پی“ تون گپ و تران

اسلام آباد۔ 25نومبر (اے پی پی) وزیر مملکت ہاؤسنگ اینڈ ورکس شبیر علی قریشی پارینے کہ پوسکن آ پاکستان ہاؤسنگ اسکیم نا رجسٹریشن نا 15دسمبر اسکان ودفنگ نا مسخت زیات آن زیات خلقت ءِ اسکیم آن فائدہ ہرفنگ نا موقع تننگ نا ءِ، حکومت الس نا معاملہ غاتے ایسر کننگ ءِ، ہاؤسنگ نا بشخ ءِ وزیراعظم عمران خان نا ویژن نارداٹ مون آ دننگ اُن۔ داہیت ءِ او دوشنبے نادے آ ”اے پی پی“ تون گپ وتران کرسا پارے۔ اوپارے کہ تحریک انصاف نا حکومت وزیراعظم عمران خان نا کماشی ٹی الس نا اومیت آتا رداٹ پالیسی جوڑ کننگ ءِ ہرانا فائدہ غاک الس ءِ دوئی مننگ ءُ۔ اوپارے کہ پوسکن آ پاکستان ہاؤسنگ نا مسخت بے اُرا و ضرورت مند بندغ آتے آسان قسط آتیا اُرانا آسراتی فراوان کننگ نا ءِ تانکہ اوفتا متکن آ ویل ایسر مننگ کے۔ اوپارے کہ وزیراعظم عمران خان کشمیر نا ویل ءِ ہراوڑ جہانی فورم تیا تالان کرینے دانا مستین اٹی مثال ملیپک۔