پارلیمٹ ءَ زالبول آں اں راجی دیمروئی ءِ واستہ جوانیں کرد پیلو کنگ ءِ موہ پجارینگ ءَ انت، سپیکر قومی اسمبلی اسد قیصر

اسلام آباد ۔ 25 نومبر (اے پی پی) سپیکر قومی اسمبلی اسد قیصر ءَ گوشت کہ زالبول آنی رکھینگ ءُُ دیمروئی ءِ واستہ المی انت، چاگرد ءِ دیمروئی ءُُ وشھالی ءِ واستہ زالبول آنی کرد سک باز ارزشتی انت ۔ دو شمبے ءَ زالبول آنی لٹ ءُُ کُٹ ءِ ھوالگ ءَ برجم داشتگیں میاں اوستمانی روچ ءِ موہ ءَ وتی بیان ءِ تہ ءَ آئی ءَ گوشت کہ بدبھتی ءَ چہ دگنیا ءَ زالبول آنی گوما ناروائیں سلوک کنگ بوھگ ءَ انت زالبول آناں لٹ ءُُ کٹ کنان ءَ ایشاناں بزگیں زندمان ءِ گوازینگ ءِ واستہ مجبور کنگ بوھگ ءَ انت ۔ مئے دین ءِ اسلام زالبول آنی گوما جوانیں سلوک کنگ ءِ سبک ءَ دنت ۔ اسلام زالبول آنان ھمکچیں ھک ءُُ شرپ دنت مارا مئے نیک راھ زالبول آنی گوما جسدی جتائی ءِ سبب ءَ دل ءَ کسد ءُُ کینگ یا شرتری ءُُ گہتری پھمگ ءَ مکن کنت ۔ میاں اوستمانی برات زالبول آنی ھک آنی رکھینگ ءِ واستہ یکجائی کوشست ءَ بکن انت ۔ مئے چاگرد ءَ زالبول آناں وانگ ءُُ زانگ، جان سلامتی ءُُ روزگار ءِ شوبگ ءَ سک باز مشکل آنی گوما دیم پہ دیمی انت ۔ زالبول آنی ھک آنی بابت ءَ ھرابیں ھیال ءُُ لیکہ آنی مٹ کنگ ءِ ضلورت انت ۔ پارلیمنٹ ءَ زالبول آنی واستہ کانود ءِ جوڑ کنگ ءِ کار ءَ سک باز جوانیں کرد پیلو کنگ ءَ انت آئی ءَ گوشت کہ ما پارلیمنٹ ءَ زالبول آناں راجی دیمروئی ءَ جوانیں کرد پیلو کنگ ءَ سرج میں موہ پجارینگ ءَ آں ۔ السی کار آنی تہ ءَ زالبول آنی سروکی جمہوریت ءَ را برجا ءُُ برجم جوڑ کنت ۔