مزن وزیرءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءِ مراگش ءَ گوں تران

سیالکوٹ۔ 23 نومبر (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ ملک ءِ تہ یک وڈیں تعلیمی نظام رائج کنگ حکومت ءِ اولی دلگوشی انت،تعلیم انسان ءَ را اصل راستی ءَ دیئگ انت،پاکستان ءِ تہ لہتیں منصوبگ سیاست ءِ آماچ بوھگ انت،اے ھیالانی درشان آہاں گورنمنٹ ویمن ڈگری کالج مراکیوال ءِ تہ مراگش ءَ گوں تران ءِ تہ کتگ ات۔ھاسیں کمکارءَ گوشت کہ پاکستان ءِ تہ خواندگی ءِ شرح دومی ملکانی نسبت ءَ باز کم انت،ادارگ مہلوک ءِ بوھگ انت ءُُ آہانی محافظ ھم مہلوک بوھگ انت،پاکستان ءِ جنک سوگو ءِ پاکستان ءِ بنیات ءَ مان کن انت،دراھیں پاکستانی جنک کشمیری جنکءَ گوں پج انت،مروچی کشمیر ءِ اے جنک ءَ گوں یکجہتی ءِ درشان کنگی انت ہمہ کہ بدتریں کرفیو ءِ سبب ءَ سکول ءَ نہ رھوگ انت، باز زوت کشمیر ءِ تہ آزاتی ءِ روچ برز بیت۔ ڈاکٹر فردوس عاشق اعوان ءِ گوشگ ات کہ منی کوشست انت کہ مزن وزیر ءُُ سر وزیر پنجاب ءَ گوں ھواری ءَ چوشیں پلان ءِ جوڈ کن انت کہ ایشی ءَ چہ میتگ ءَ را بنیاتی ضلورت پیلو کت کن انت۔آہاں گوشت کہ مزن وزیر پاکستان ءِ اے وھد ءَ دو چیزانی سرا فوکس انت،رائٹ جاب فار رائٹ پرسن ءُُ دومی ملک ءَ چہ کرپشن ءِ سرجم ھلاسی،دراھیں نوکری میرٹ سرا دیئگ بوھگ انت۔مراگش ءِ گڈی بھر ءِ تہ ھاسیں کمکار ءَ گورنمنٹ ویمن ڈگری کالج مراکیوال ءِ تہ بھرتی بیوکیں نوکیں استادانی تہ آرڈر بھرءُُ بانگ کتگ ات۔اے موہ ءِ سرا سیاسی ءُُ چاگردی راھشون ءِ ھوار نودربرانی مات ءُُ پِت ءِ مزنیں کساس ءَ بھرزوراتگ۔