مزن وزیر عمران خان ءِ چُک ءُُ ماتی سینٹر ءِ بنگیجی مراگش ءَ گشتانک

میانوالی ۔ 22 نومبر (اے پی پی) مزن وزیر عمران خان ءَ گوشت من وتی کرشی ءَ را بچارینگ ءِ واستہ اِناں مٹی آرگ ءِ واستہ سروکی ءَ اتکگ آں ، مئے کوشست ءَ چہ ملک راستیں کشک ءَ رھادگ بوتگ، ھمزوریں تبک ءِ مردم ءُُ دمگ ءَ راد یمروئی دیاں ، گران بھائی ءَ را گر ءُُ دار کنان ءَ پیش داراں ، مٹی ھما وھد ءَ کئیت انت وھد ءِ مافیاز آناں شکست بیت، شریف ھاندان پیسہ دُزی کنان ءَ ڈن ءَ براں ، اپوزیشن ءِ کوشست انت کہ بُور ءُُ بدئے گونے سبک ءِ وسیلگ ءَ لُٹ ءُُ پل ءِ کیس ءَ کجام ھم نمونگ ءَ وتارا بہ بچارین آں ، آئی ءَ را کجام ھم نمونگ ءَ ڈیل یا یلو کنگ ءَ ملک ءِ گوما ٹوھیں گداری ءِ بیت، اللہ ءِ شان انت جہاز یا لندن ءِ گوات ءَ چارگ ءَ چہ مریز یک دم شر بوت، انچیں بلدیاتی نظام ءِ آرگ ءَ آں آئی ءِ تہ ءَ فنڈز کوچگ ءِ تک ءَ گچین بوتگیں مردم وت ھرچ کنگ ءِ مستر بنت انت، شہری آنی تہ ءَ ڈائریکٹ الیکشن ءَ چہ ناظم جوڑ بیت ۔ آدینگ ءِ روچ ءَ چُک ءُُ ماتی سینٹر ءِ بنداتی مراگش ءَ گوں گشتانک دیان ءَ مزن وزیر ءَ گوشت کہ ھما مدر اینڈ چائلڈ ہسپتال ءِ بُن ھشتی سنگ ءِ بنیات ایر کتگ ایش اے دمگ ءِ ضلورت بوتگ ۔ 23سال پیسر وھد ءِ من میانوالی ءَ چہ سیاست ءِ بنگیج کتگ ءُُ اے دمگ ءِ تر ءُُ تاب کت گڈا اے دمگ ءِ مردم آنی مشکل آنی احساس بوت ۔ پشت کپتگیں دمگ ءِ مردم آنی الس آناں درستاں چہ گیش مشکل آنی دیم پہ دیمی نادُراھی ءِ رنگ ءَ کنگ کپتگ، وھد ءِ آوانی جان سلامتی ءِ واستہ دوا ءُُ درمان ءُُ ہسپتال ءِ آسراتی نہ رستگ ءُُ آواں مریض آں ان راولپنڈی، لاہور ءُُ اسلام آباد ءِ وڑیں شہر آنی تہ ءَ برگ ءَ کپتگ ۔ ایش الس ءِ واستہ ڈاکٹرز ءُُ ہسپتال نہ بوتگ ۔ آئی ءَ گوشت کہ درستاں چہ پیسر اے دمگ ءَ ہسپتال ءِ آسراتی پجارینگ انت ءُُ آپ ءِ جیڈھ ءَ را گیوار کنگی انت ۔ واٹر سپلائی سکیم آنی واستہ ماں باز پیسہ ایر کتگ چیا کہ آپ ءِ نہ رسگ ءِ سبب ءَ مردم باز مشکل آنی توک ءَ کپ اَنت ۔ جان سلامتی ءُُ آپ ءَ چہ پد زھگ آنی زانشت ءِ واستہ آسراتی پجاری کنگ منی سوگند انت ۔ مزن وزیر ءَ گوشت کہ من نمل یونیورسٹی ءِ منصوبگ ھمے ھاترا جوڑ کتگ ادے ورنا آناں روزگار ءِ موہ بہ رس ایت ۔ آ ھیل کاری ءَ چہ زھبر بوتگ اَنت ۔ ھیل کاری ءَ ابید مزدگری نہ رس ایت ھمے ھاترا پیسر ٹیکنیکل کالج جوڑ کنگ ءِ منصوبگ جوڑ کتگ، پدا ایشرا یونیورسٹی ءِ تہ ءَ مٹ کت ۔ ھمینچو وشی منا رستگ نمل یونیورسٹی ءِ پراھ ءُُ شاھیگان بوھگ ءَ کہ اِچ گوشت نہ کناں ۔ مزن وزیر ءَ گوشت کہ راج زانشت ءَ چہ دیمروئی کناں ۔ ٹوھیں زانشت ءِ ھمینکیاس موہ بنت ملک ھمینکاس دیمروئی کنت ۔ نمل نونیورسٹی نالج سٹی جوڑ بوھگ ءَ انت ۔ ڈن ءَ چہ مردم پی ایچ ڈی کنگ ءِ واستہ پیداک انت ۔ آئی ءَ گوشت کہ میانوالی ءَ نونیورسٹی ءِ بنگیج کنگ بوتگ، وائس چانسلر ھم اتکگ اَنت، نوکیں ہسپتال جوڑ کنگ ءِ واستہ جاھ ھم گپتگ ۔ اے سرکاری ہسپتال نہ بیت ۔ نامداریں کاروباری بامرد انیل مسرت ھاسیں رنگ ءَ اے نادُراھ جاھ ءَ جوڑ کنگ ءَ انت ۔ اے نادُراھ جان ءِ جوڑیشت ءَ چہ الس ءَ را راولپنڈی، اسلام آباد یا لاہور ءَ روگ نہ کپ ایت ءُُ آواناں ھندی تک ءَ درمان ءُُ الاج ءِ آسراتی پجاری کنگ بیت ۔ مزن وزیر ءَ گوشت کہ منا میانوالی ءِ الس ھما وھد ءَ منی گوما ھمگام ءَ اوشتات اَنت ھما وھد ءَ سرج میں پاکستان ءَ دگہ اچ جاھ ءَ مارا ووٹ نہ بوتگ ۔ راجی اسمبلی ءِ باسک ءِ گچین بوھان ءَ ھمک جاہ ءَ شتگ آں مردم آں وتی جیڈھ آناں مناں گوشتگ ۔ جاھے ءَ اسکول ءُُ جاھے ءَ ہسپتال ءِ ضلورت ات ۔ اسکول است اَت بلے رھشون نیست اَت، ہسپتال است اَت بلے ڈاکٹر نیست اَت ۔ آئی ءَ گوشت کہ وھد ءِ من نواز شریف ءَ را جہاز ءِ سر ءَ لَک گپگ ءَ دیست من ڈاکٹر ءِ رپورٹس دیم ءَ ایر کت اَنت، ایشی ءِ تہ ءَ نبشتگ ات کہ مریز ءِ سک ھرابیں جاور اَنت کجام ھم ٹیمب ءَ مُرت کنت ءُُ ایشرا دل، گردہ، زردوئی ءِ نادُراھی انت، ءُُ پلیٹ لیٹس ھم ھراب اَنت، مارا گوشگ بوت کہ ادا ایشی ءِ علاج بوت نہ کنت ءُُ ڈن ءَ روان دیگ نہ بوت گڈا کجام ھم ٹیمب ءَ مرت کنت، اللہ ءِ شان انت، چے اے جہاز ءِ گندگ ءَ شر بوت ، لندن ءِ گوات ءِ ورگ ءَ شر بوت، یک پجئی ءَ چوں شر بوت ۔ مزن وزیر ءَ گوشت کہ ملک ءَ را راستیں راھ ءَ رھادگ کتگ، ھنچوش کہ ملک ءَ سرمایہ کاری بیت، دولت گیش بیت ءُُ وشھالی کئیت گڈا ھمزوریں تبک ءُُ دمگ ءُُ کوچگ آنی سر ءَ زرّ ھرچ کناں ، میانوالی، ڈی جی خان ءُُ تونسہ ءِ وڑیں پشت مندگیں دمگ آنی تہ ءَ زرّ ھرچ بنت انت ۔