آرمی چیف جنرل قمر جاوید باجوہ ءِ انجینئرنگ سینٹر رسالپور ءِ ترء ُتاب، لیفٹیننٹ جنرل معظم اعجاز کوءَ را کمانڈنٹ انجینئرنگ کورءِ بیچ جتگ

راولپنڈی ۔ 22نومبر(اے پی پی) پاک فوج ءِ سروک جنرل قمر باجوہ ءَ آپریشنز ، قدرتی افت ء ُ پہ راجی دیمروئی ءِ منصوبہ آں انجینئرنگ کورءِ کارء ُ کردءَ راساڑاتگ ۔ پاک فوجء ِ تعلقداری پڑ( آئی ایس پی آر) ءِ گشگءِ ردءَ جمعہءِ روچءَ پاک فوج ءِ سروک جنرل قمر جاوید باجوہ ءَ انجینئرنگ سینٹر رسالپور ءِ ترء ُتاب کتگ ، لیفٹیننٹ جنرل معظم اعجاز ءَ را کمانڈنٹ انجینئرنگ کورءِ بیچ جتگ ۔ اے وہدءَ ریٹائرڈ بوہوکیں کمانڈنٹ انجینئرنگ کور لیفٹیننٹ جنرل (ر) جاوید محمود بخاری ءَ ابید پاک فوج ءِ استیں ء ُ ریٹائرڈ فوجی افسرء ُ شہیدآنی ھاندان ہوار بوتگ اَنت ۔