اسپیکر قومی اسمبلی اسد قیصر تون کرغزستان نا سفیر نا اوڑدہی، تین پہ تینی است خواہی نا معاملہ غاتیا گپ و تران

اسلام آباد ۔ 22نومبر (اے پی پی) اسپیکر قومی اسمبلی اسد قیصر تون کرغزستان نا سفیر ایرک بیشی مبیوف جمعہ نادے آ داڑے اوڑدہی کرے ۔ اوڑدہی ٹی ہڑتوم آ کنڈآتا تعلقداری تون اوار تین پہ تینی است خواہی نا اہم معاملہ غاتیا سرجم گپ و تران کننگا ۔ داوخت آ اسپیکر قومی اسمبلی اسد قیصر پارے کہ پاکستان کرغزستان تون تینا متکن آ تعلقعداری تے بے کچ اہمیت ایتک، پاکستان ہڑتوم آ ملک آتا نیام اٹ پارلیمانی و واپاری تعلقداری تیٹی ودکی نا کمک اٹ پین سوگو کننگ نا خواہندار ءِ ۔ اوپارے کہ کرغزستان نا علاقائی و جہانی فورم تیا پاکستان نا کشمیر نا موقف نا تائید آ منت واراُن ۔ اسد قیصر پارے کہ قومی اسمبلی ٹی 20 باسکی پاکستان ۔ کرغزستان سنگتی پڑک اس جوڑ کننگانے ۔ داوخت آکرغزستان نا سفیر پارے کہ کرغزستان پاکستان تون تینا تعلقداری تے بے کچ اہمیت ایتک ۔ ہڑتوم آ ملک آتانیام اٹ مذہب، سنگتی و دودوربیدہ رشتہ ساڑی ءِ ، اوفتے سیاسی و السی رابطہ غاتے ٹی ودکی نا کمک اٹ سوگو کننگ مریک ۔ اوپارے کہ کرغزستان پاکستان نا کشمیر آ موقف ءِ امنا کیک و ویل انا پرامن ایسری کن تینا پبی کوشست آتے برجاتخک ۔