سینیٹر مشاہد حسین سید نا پاک چائنا انسٹیٹیوٹ نا 5می میڈیا فورم آن تران

سی پیک ملکی شونداری کن بے کچ اہمیت تخک، ڈٹ انا ارٹ میکو مرحلہ ٹیی صنعت، کشت وکشار ، تعلیم و جان جوڑی نا بشخ آتیا خصوصی چکار کننگک

اسلام آباد ۔ 22نومبر (اے پی پی) سینیٹر مشاہد حسین سید پارینے کہ سی پیک نا ڈٹ ملکی شونداری کن بے کچ اہمیت تخک و داڈٹ انا ارٹ میکو مرحلہ ٹی صنعت، کشت وکشار ، تعلیم و جان جوڑی نا بشخ آتیا خصوصی چکار کننگک ۔ داخیال آتا درشانی ءِ او پاک چائنا انسٹیٹیوٹ نا 5می میڈیا فورم آن تران کرسا کرے ۔ اوپارے کہ سی پیک آن نئے بیرہ چین و پاکستان بلکن مچ آ ڈیہہ نا تقدیر بدلینگک، سی پیک نا اولیکو مرحلہ ٹی توانائی ڈٹ آتیا کاریم ءِ پورو کننگانے وخت اس کہ منہ ڈٹ پوروی نا آخیریکو مرحلہ غاتے ٹی پترینگانو ۔ اوپارے کہ گوادر اٹی بندرگاہ نا جوڑ کننگ آن ڈیہہ ٹی شونداری و شونہالی نا اسہ پوسکن ءُ دور اس بناکیک، گوادر اٹی کیہی ملک آک بشمول قطر، سعودی عرب ، متحدہ عرب امارات بھلو زرکاری اس کننگ کن تیار ءُ ۔ اوپارے کہ چین پاکستان اقتصادی راہداری نا رداٹ پشاور آن کراچی اسکان ایم ایل ون نا ڈٹ انا رداٹ پوسکن ءُ ریلوے لین تالان کننگک ۔