بنجائی وزیر ڈٹ بندی شونداری و اصلاحات اسد عمر نا چینی سفیر تون گپ و تران

سی پیک قومی زرگزران ءِ مون آ دننگ و نیزگاری ءِ کم کننگ اٹ کمکار مریک

اسلام آباد ۔ 22نومبر (اے پی پی) بنجائی وزیر ڈٹ بندی شونداری و اصلاحات اسد عمر پارینے کہ سی پیک قومی زرگزران ءِ مون آ دننگ و نیزگاری ءِ کم کننگ اٹ کمکار مریک ۔ داخیال آتا درشانی ءِ او جمعہ نادے آ چینی سفیر یاءوجنگ تون اوڑدہی ٹی پارے ۔ اسد عمر پارے کہ سی پیک قومی زرگزران ءِ مون آ دننگ و نیزگاری ءِ کم کننگ اٹ کمکار مریک، ہڑتوم آ کنڈآتا فریم ورک معاہدہ داسہ ارٹ میکو مرحلہ ٹی پترینگانے ہراٹی نیزگاری نا چٹفنگ، کشت وکشار و صنعتی کمکاری آ چکار کننگ انگ ءِ ۔ چینی سفیر سی پی ای سی ڈٹ آتا رفتار آ است جمی نا درشانی ءِ کرے ۔ چینی سفیر یاءو جنگ بنجائی وزیر ڈٹ بندی اسد عمر ءِ وزارت نا منصب ءِ سنبھالنگ آ مبارکبادی تس ۔ یاءو جنگ پارے کہ سی پیک پروجیکٹ است جمی اٹ مون آ ہِننگ ءِ ۔