اسلام آباد ۔ 22نومبر (اے پی پی) پرائم منسٹر سرسہب ورنا پروگرام و خیبر پختونخوا نا حکومت صوبہ ٹی ورناتا راجی و اقتصادی شونداری کن اتفاق کرینے ۔ وزیراعظم نا خصوصی کمکار امور نوجوانان عثمان ڈار و بنجائی وزیر ڈٹ بندی و شونداری اسد عمر نا کماشی ٹی صوبہ خیبر پختونخوا ٹی یوتھ انٹر پرینیور اسکیم (وائی ای ایس) آ عملدرآمد نا بابت جاچ دیوان اس مس ۔ دیوان اٹی …
پرائم منسٹر سرسہب ورنا پروگرام و خیبر پختونخوا حکومت نا صوبہ ٹی ورناتا راجی و اقتصادی شونداری آ اتفاق
گیشتریں ھال
اسلام آباد ۔ 22نومبر (اے پی پی) پرائم منسٹر سرسہب ورنا پروگرام و خیبر پختونخوا نا حکومت صوبہ ٹی ورناتا راجی و اقتصادی شونداری کن اتفاق کرینے ۔ وزیراعظم نا خصوصی کمکار امور نوجوانان عثمان ڈار و بنجائی وزیر ڈٹ بندی و شونداری اسد عمر نا کماشی ٹی صوبہ خیبر پختونخوا ٹی یوتھ انٹر پرینیور اسکیم (وائی ای ایس) آ عملدرآمد نا بابت جاچ دیوان اس مس ۔ دیوان اٹی خیبر پختونخوا نا وزیر خزانہ تیمور سلیم خان جھگڑا و بینک آف خیبر نا قائم مقام صدر ئسک ہم ساڑی ئسر ۔ داوخت آ امنا کننگاکہ خیبر پختونخوا نا حکومت سرسہب ورناپروگرام نا رداٹ صوبہ ٹی انصاف روزگار اسکیم ورناتا شونداری و آسودہی کن کاریم کیک ۔ صوبہ خیبر پختونخوا نا غٹ مالیاتی پروجیکٹ ہرا ورناتا شونداری نا بابت ءُ آ سرسہب ورنا ویب پورٹل پلیٹ فارم نا کمک اٹ اوفتیا عملدرآمد کننگک ۔ یوتھ انٹر پرینیور اسکیم نا رداٹ ورناتے تینا کاروبار ءِ چلیفنگ کن بینک آف خیبر واپاری وام ہم فراوان کیک، ہراڑان صوبہ ٹی ورناتے کن روزگار نا وارخواہی ودی مریک ۔ دیوان اٹی صوبہ ٹی ورناتا راجی و اقتصادی شونداری کن صوبائی حکومت و بینک آف خیبر نا کڑد انا ستاءِ کننگا ۔
