ایف آئی اے نا ڈپٹی ڈائریکٹر امیگریشن نا اسٹاف ءِ مسافر آتون جوان وڑاٹ پیش بننگ نا پارت

اسلام آباد ۔ 22نومبر (اے پی پی) ایف آئی اے نا ڈپٹی ڈائریکٹر امیگریشن ساجد حسین کھوکھر غٹ اسٹاف ءِ خصوصی مسافر آتون جوان وڑاٹ پیش بننگ و گچین سروسز ترسا محکمہ و ملک انا وقار ءِ برجاتخنگ نا پارت کرینے ۔ جمعہ نادے آ اسلام آباد انٹرنیشنل بالی پٹ آ ماہانہ میٹنگ اٹی ڈپٹی ڈائریکٹر ایئر پورٹ آ تعینات ایف آئی اے امیگریشن شفٹ انچارجز و غٹ اسٹاف ءِ پارت جاری کرے کہ مسافر آتے کن سفر ءِ آسان کیر و اوفتے تون جوانی اٹ پیش بریر ۔ اوپارے کہ بالی پٹ آ تعینات غٹ محکمہ غاتون گچین رابطہ جوڑ کیر ۔ اوہیومن ٹریفکنگ و سمگلنگ نا توننگ و جعلی دستاویز آتیا سفر کروک آ مسافر آتا برخلاف کارروائی کروک آ آفیسر آتے ٹی سفتی سند بشخ و پانٹ کرے ۔ امیگریشن آفیسر ہرافتے ٹی نعام بشخنگا اوفتے ٹی گچین شفٹ انچارج ڈیپاچر انسپکٹر ماجد خان نیازی وخت اس کہ گچین شفٹ انچارج آرائیول سب انسپکٹر قمر عباس گوندنگارو ایلو آفیسر آتے ٹی انسپکٹر شوکت نواز انسپکٹر نعمان خلیل محمد ادریس ہیڈ کانسٹیبل ، شاہد حفیظ ہیڈ کانسٹیبل ، کانسٹیبل عالم زیب و کانسٹیبل مسعود احمد اوار ءُ ۔