تعلیمی آب و یونیورسٹی نا شونداری کن گام گیج کننگ ءِ و تینا محدود وسیلہ غاتے ٹی مرسا اسکالرآتا راہشونی و طالب علم آتے بڑزکو تعلیم نا وارخواہی مہیا کننگ ءِ، پرووائس چانسلر ڈاکٹر محمد عالم مینگل

کوءٹہ ۔ 22نومبر (اے پی پی) جامعہ بلوچستان نا بورڈ آف ایڈوانس اسٹڈیز اینڈ ریسرچ نا 142می دیوان جامعہ نا پرووائس چانسلر ڈاکٹر محمد عالم مینگل نا کماشی ٹی اڈ ہلک ۔ ہراٹی جامعہ نا پرووائس چانسلر اکیڈمک سعود تاج ، ڈاکٹر محمد طارق ملک، ڈاکٹر منظور خٹک، ڈاکٹر دین محمد کاکڑ، ڈاکٹر عمر جان، ڈاکٹر غلام رسول ، ڈاکٹر سعیدہ مینگل ، ڈاکٹر ریحانہ مشتاق ، ڈاکٹر صوبیہ رمضان، کنٹرول امتحانات ڈاکٹر عبدالمالک ترین رجسٹر ار ولی الرحمان تون اوار بورڈ انا ایلو باسک آک بشخ ہلکر ۔ دیوان اٹی تعلیمی ایجنڈاغا سجفنگا ۔ ہراٹی بڑزکو تعلیم، پٹ وپول، ایم فل ، پی ایچ ڈی ڈگری پروگرامز، پوسکن آ کورس آتا جاری کننگ، امتحانات و داخلہ غاتا وڑوڈول، آخبت نا تعلیمی ڈٹ آتون اوار چندی معاملہ غاتا جاچ ءِ ہلنگا و فیصلہ کننگا ۔ دیوان آن جامعہ نا پرووائس چانسلر تران کرسا پارے کہ جامعہ نا پالیسی ساز ادارہ تینا دنگ اٹ سلسا یونیورسٹی نا گچین فائدہ و شونداری کن تینا زمواری تے جوانی اٹ سرانجام تننگ ءِ ۔ انتئے کہ ہر ادارہ نا شونداری کن اسیجا فیصلہ غاتا بھلو اہمیت اس مریک و جامعہ ہندا اصول آتیا سلسا غٹ انا سلاہ نا شرف ءِ کرسا تعلیمی آب و یونیورسٹی نا شونداری کن گام گیج کننگ ءِ و تینا محدود وسیلہ غاتے ٹی مرسا اسکالرآتا راہشونی و طالب علم آتے بڑزکو تعلیم نا وارخواہی مہیا کننگ ءِ ۔ دیوان اٹی چندی معاملہ غاتیا شرہ مس ۔ آخبت نا لاءحہ عمل کارآمد سرحال آتا گچین کننگ تون اوار چندی سلاہ پیش کننگا ۔ ایسر اٹ پرووائس چانسلر غٹ باسک آتا منت واری ءِ ہرفے و اوفتا سلاہ تے یونیورسٹی نا شونداری و سرسہبی کن اہم گوندا ۔