اسلام آباد ۔ 21 نومبر (اے پی پی) جارچین درئی کارانی کارگس ڈاکٹر محمد فیصل ءَ گوں تل پچیں رنگے ءَ گوشت کہ سیاچین گلیشئر جیڈھئی دمگ ات، بھارت ایشرا سیاست ءِ واستہ پچ کت نہ کنت، ایم کیو ایم ءِ سروک ءِ نیمگ ءَ سیاسی پناہ ءِ واستہ بھاررت ءَ را دزبندی دیگ یک پکوئی سسائی گپ ات، اے رد ءَ جوانیں ءُُ مھک میں پد ءُُ رندجاڑی کنگ بیت ۔ آدینگ ءِ روچ ءَ ھمک ھپتگیں بریفنگ ءِ تہ ءَ جارچین ءَ گوشت کہ بھارت ءَ سیاچین ءِ دمگ ءَ کبزہ ءِ کوشست کتگ وھدیکہ جیڈھی دمگ ءَ ءَ را کشاں چیل ءِ استی ءِ سبب ءَ پچ کنگ نہ بیت، پدا ھم ترجمان ءَ گوشت کہ بھارت ءَ سیاچین ءِ ھوالگ ءَ پیسلہ ءِ بابت ءَ پاکستان ءَ را سرپد نہ کتگ ۔ ترجمان ءَ نیپال ءَ بیگواہ بوتگیں آرمی ءِ ریٹائرڈ اپسرگ کرنل حبیب طاہر ءِ ٹارچر سیل ءَ کوش ءِ ھوالگ ءَ رپورٹ ءَ را رد کنان ء ۔ گوشت کہ ایشرا دروگ نامینتگ ءُُ گوشت کہ ڈیتھ سرٹیفکیٹ منی دیم ءَ چہ ھم گوستگ ایش دروگ انت، پکوئیں رنگ ءَ دژمن ایں ایجنسی آنی پاکستان ءُُ پاکستانی شہری آنی ھلاپ ءَ بیم ناکیں گامگیج آنی بھر ات ۔ ایم کیو ایم ءِ الطاف حسین ءِ بھارت ءَ سیاسی پناہ ءِ دزبندی ءِ واھشت ءِ ھوالگ ءَ جست ءِ پسو ءَ ترجمان ءَ گوشت کہ اے بلائیں ترسی جیڈھ ات ءُُ اے رد ءَ زوت پراھ ءُُ شاھیگانیں پسوئی کار جاڑی کنگ بنت ۔ جارچین ءَ نیدر لینڈ ءِ بادشاہ ءِ جن میکسیما انکلوڑو فنانسو دیمروئی ءِ ھوالگ ءَ یو این سیکرٹری جنرل ءِ سپیشل ایڈوو کیٹ ءِ بستار ءَ 25 ءَ بگرتاں 27نومبر ءَ پاکستان ءِ تر ءُُ تاب ءَ کنت ۔
