اسلام آباد ۔ 21 نومبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان ءِ سسا ساچی ءَ چہ حکومت ءِ درشان سروکی ءِ نظام ءَ جوانیں کاررپک سہرا کنگ ءَ انت ۔ حکومت آزاتی ءَ گوں درشان ءُُ پکوئیں یکیم ءِ سر ءَ بیسہ دار ایت، حکومت ملک ءَ آزات ءُُ زمہ وار یں میڈیا ءِ دیمروئی ءِ واستہ آسراتی پجاری کنگ ءِ رچ ءَ را برجا دار ایت ۔ چاگرد ءِ واچ ڈاگ بوھگ ءِ بستار ء ۔ میدیا ءِ کرد ءَ را ساڑاھان ءَ میڈیا ملک ءَ جمہوریت ءِ مھکمی ءُُ دیمروئی ءِ واستہ المی پھم ایت ۔ آئی ءَ اے گپ جرمنی ءِ میاں اوستمانی شنگ ءُُ تالانی ادارگ دوءچے ویلے ءِ ڈائریکٹر جنرل پیٹرلیمبورگ ءَ گوں گند ءُُ نند ءِ ساھت ءَ کت ۔ انت ۔ مزن وزیر ءِ ھاسیں کمکار ءَ گوشت کہ پاکستان در ملکی سرمایہ کاری ءَ را وش اتک کنت، حکومت ملک ءَ سیل ءُُ سواد ءِ شوبگ ءَ را دیمروئی ءِ واستہ جزمیگ انت تانکہ اے شوبگ ملکی معشیت ءَ ارزشتی ایں کرد ءَ پیلو کت بہ کنت ۔ آئی ءَ ڈاکٹر فردوس عاشق اعوان ءَ را جرمنی ءَ برجم بوھوکیں گلوبل میڈیا فورم ءَ بھر زوری ءِ دعوت ھم دات ۔ گند ءُُ نند ءَ دو ءچے ویلے ءِ انٹرنیشنل ڈسٹری بیوشن ءِ سروک پیٹرا شینڈر، ڈی ڈبلیو اکیڈمی یورپ ءُُ ایشیا ءِ سروک مائیکل کرہاوسن، ڈی ڈبلیو پاکستان کارگس ءِ سروک ندیم واحد صدیقی، ایکسٹرنل پبلسٹی ونگ ءِ ڈائریکٹرجنرل سعید جاوید ءُُ وزارت اھوالکاری ءُُ شنگ کاری ءِ کلانہ ایں اپسرگ ھم اے موہ ءِ سر ءَ ساڑی اتنت ۔
