مزن وزیر عمران خان ءِ گلوبل فنڈ ءِ ڈل ءَ گوں گند ءُُ نند

اسلام آباد ۔ 21 نومبر (اے پی پی) مزن وزیر عمران خان ءَ ٹی بی ءِ ھلاسی ءِ واستہ گلوبل فنڈ ءِ استیں گامگیج آنی سر ءَ پکوئی رنگ ءَ کار ءِ واستہ حکومت ءِ گیشاں چہ گیش دل یکیمی دیان ءَ گوشت کہ استیں حکومت چاگرد ءِ توا میں تبک ءَ را جوانیں ءُُ الکاپیں جان سلامتی ءِ آسراتی پجاری کنگ ءِ واستہ گیشاں چہ گیش دلگوشی دیگ ءَ انت ۔ آئی ءَ اے گپ جتا جتائیں دیمروئی کنوکیں ملک آنی تہ ءَ ھوپ ءُُ نادُراھی ءِ ھلاسی ءِ واستہ جان سلامتی شوبگ آنی تہ ءَ ازمت کنوکیں گلوبل فنڈ ءِ ایگزیکٹو ڈائریکٹر پیٹرز سینڈز ءِ سروکی ءَ ٹوھیں کارندہ آنی یک ڈلے ءِ گوما گند ءُُ نند ءَ تران ءِ ساھت ءَ کت ۔ گند ءُُ نند ءِ ساھت ءَ مزن وزیر ءِ ھاسیں کمکار برائے راجی جان سلامتی سروسز، ریگولینشنز اینڈا کورآرڈینیشن ڈاکٹر ظفر مرزا ھم اے موہ ءِ سر ءَ ساڑی ات ۔ پنچ شمبے ءِ روچ ءَ میڈیا کارگس ءَ چہ جاڑی بوتگیں بیان ءِ رد ءَ ڈل ءَ مزن وزیر ءَ را کمپنی ءِ کار کرد ءُُ پاکستان ءَ گلوبل فنڈ ءِ نیمگ ءَ جان سلامتی ءِ واستہ سرمایہ کاری ھاسیں رنگ ءَ سیاھیں تپ ۔ ایچ آئی وی ءُُ ملیریا ءِ ھلاسی ءِ واستہ وتی سوگند آں چہ سرپد کت ۔ ڈل ءَ پنجاپ ءَ ٹی بی ءِ ھلاسی 400 ڈائیگناسٹک یونٹ ءِ جوڑیشت ءَ ھوار ملک ءَ وتی گوستگیں سرمایہ کاری ءِ بابت ءَ گوشت ۔ ڈل ءَ پاکستان ءَ وتی منصوبگ آنی تہ ءَ گیشی ءِ امیت آنی بابت ءَ ھم ھیال ریچی کت ایش آیوکیں باندا ءَ 300ملین ڈالر ءَ تاں گیش ودینگ بوت کن انت ۔ ڈل ءَ جوانیں سکیرننگ ءِ کار رپک نہ بوھگ ءِ سبب ءَ مزنیں کساس ءَ ٹی بی ءِ کیسز دیم ءَ نہ آرگ ءِ ھوالگ ءَ وزارت ءِ راجی سروسز، ریگولیشنز اینڈ کوآرڈینیشن ءِ کمک جوانیں سکریننگ ءُُ ٹی بی ءِ ھلاسی ءِ واستہ راستیں منصوبگ بندی شاھیگان کنگ ءِ واستہ وتی شور ءُُ سلاھ آں گوں سرپد کت ۔ مزن وزیر عمران خان ءَ ڈل ءَ را وش اتک کت ءُُ گوشت کہ استیں حکومت چاگرد ءِ توا میں تبک ءِ مردم آناں جوانیں ءُُ الکاپیں جان سلامتی ءِ آسراتی پجارینگ ءَ دلگوشی دیگ ءَ انت ۔