اسلام آباد ۔ 21 نومبر (اے پی پی) خصوصی کمکار جان جوڑی ڈاکٹر ظفر مرزا پارینے کہ حکومت ہیپاٹاءٹس و ایچ آئی وی ایڈز انا توننگ کن سنجیدگی اٹ کاریم کننگ ءِ، انجکشن سیفٹی نا بابت جامع ڈٹ اس ہم ترتیب تننگ انگ ءِ ۔ داخیال آتا درشانی ءِ او پنچ شنبے نادے آ ابوظہبی ٹی ڈائریکٹر سی ڈی سی رابرٹ ریڈ فیلڈ اتون اوڑدہی ٹی کرے ۔ اوڑدہی ٹی پاکستان آن پولیو نا چٹفنگ نا حکمت عملی آ گپ و تران کننگا ۔ اوڑدہی ٹی ڈاکٹر ظفر مرزا قومی ایکشن پلان انجکشن سیفٹی نا خدوخال آن معلومدار کرے ۔ اوپارے کہ حکومت نا ہیپاٹاءٹس و ایچ آئی وی ایڈز انا توننگ کن سنجیدگی اٹ کاریم کننگ ءِ ۔ انجکشن سیفٹی نا بابت جامع ڈٹ اس ترتیب تننگ انگ ءِ ۔ اوپارے کہ انجکشن سیفٹی نا ٹاسک فورس مستعدی اتون دا ڈٹ آ کاریم کننگ ءِ ۔ ڈاکٹر ظفر مرزا پارے کہ دا چرجوئی ٹی ڈائریکٹر سی ڈی سی ہندا ناجوڑی تا چٹفنگ کن پورو کمکاری نا درشانیءِ کرینے ۔
