اسلام آباد ۔ 21نومبر (اے پی پی) بنجائی وزیر ہوابازی غلام سرور خان دبئی سالانہ ایئر شو 2019ء ٹی بشخ ہلک ۔ پاکستان تون اوار 160 درملکی کمپنیک بشخ ہلکر، 1300 کمپنی جہاز پیش کریر ۔ ایئر شو نا بناءِ دبئی نا حکمران شیخ راشد المکتوم کرے ۔ 160 ملک آتا 1300 کمپنی جنگی و مسافر جہاز نمائش کن پیش کریر ۔ 5دے ئی دود اٹی 80 ہزار بندغ بشخ ہلکر ۔ ایئر شو ٹی یورپ تون اوار ایلو ملک آتا جہاز ساز کمپنی تینا ٹیکنالوجی نا نمائش ءِ کننگ ءُ ۔ داکان بیدس بنجائی وزیر ہوابازی غلام سرور خان ایمریٹس پڑک نا ڈل اتون ہم اوڑدہی کرے ہرانا مسخت ایوی ایشن انڈسٹری ٹی کمک و شریداری ءِ ودفنگ ئس ۔ 5دے اسکان برجا سلوک آ ایئر شو ٹی ہندی و درملکی جہاز ساز کمپنی تیان بیدس ایوی ایشن کمپنی، فلاءٹ اسکولز ، ایروکلبز، و ایوی ایشن نا گڑا جوڑ کروک آ فرم آک بشخ ہلکر ۔ ہندی ایئر پورٹ آ مروک آ دا ایونٹ نا وخت آ تمائشی تا ہم بھلو کچ اس ساڑی ئسر ۔
