اسلام آباد ۔ 21نومبر (اے پی پی) پاک بحریہ نا جہاز پی این ایس عالمگیر و پی 3 سی ایئر کرافٹ ترکی ٹی اڈ ہلوک آ جہانی بحری مشق آتے ٹی بشخ ہلکر،دا مشق آک 9 آن 21نومبر اسکان بحیرہ روم اٹی اڈ ہلکر، پاکستانی جہاز آک ترک بحریہ تون دے ٹکی بحیرہ روم اٹی اڈ ہلوک پاکستان و ترکی نا نیام اٹ ہڑتوم آ کنڈآتا مشق اٹی ہم پبی بشخ ہلکر ۔ ترجمان پاک بحریہ نا رداٹ مشق آتے ٹی دُوانزدہ غان زیات ملک آتا فوج آک بشخ ہلکر ہرانا مسخت چندی چاہنداری و تین پہ تینی حربی لاءخی تیٹی ودکی کننگ ئس ۔ پاک بحریہ ڈیہہ نا میری ٹائم سیکورٹی ءِ المی کننگ اٹ مدام کلیدی کڑد ادا کرسا کرینے ۔ ترکی نا بندرگاہ اکساز نا دورہ ٹی پی این ایس عالمگیر آ بیابخیری نا بست و بند اس ہم کننگا ۔ بیابخیری ٹی ترک بحریہ نا بڑزکو کمامدار ، پاکستانی کمیونٹی ، بحری مشق آتے ٹی ساڑی ایلو جہاز آتا آفیسر آک، سفارتی و ہندی شخصیت آک بھلو کچ اسے ٹی ساڑی ئسر ۔ دادورہ ٹی کشمیر اٹی بھارتی بیدادی و کشمیر آ پاکستان نا اصولی موقف آہم جہانی برادری نا چکار ءِ کرفنگا ۔
