اسلام آباد ۔ 21نومبر (اے پی پی) وزیر خارجہ شاہ محمود قریشی پنچ شنبے نادے آ وزیراعظم عمران خان نا متکن آ سنگت و خصوصی کمکار نعیم الحق نا جان پڑسی کن ہندی ہسپتال آ ہنا و اونا طب انا بارواٹ ہریفے ۔ نعیم الحق کینسر نا عارضہ نا سوب ہندی ہسپتال اٹی زیر علاج ءِ ۔ شاہ محمود قریشی پارے کہ نعیم الحق تحریک انصاف نا نہادی ءُ میرات اسے ۔ پارٹی کن اونا خذمت آک ہچ کس آن اودیم افس ۔ شاہ محمود قریشی پارے کہ نعیم الحق نا شمار تحریک انصاف نا بانی راہشون آتے ٹی مریک ۔ وزیر خارجہ نعیم الحق نا زوت جان جوڑی کن دعا کرے و پارے کہ اونا دلی است خواہی ءِ کہ نعیم الحق زوت جان جوڑ مرسا ولدا ہندا آب و تاب اتون تینا زمواری تے سرانجام ایتے ۔
