اسلام آباد ۔ 21نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ اپوزیشن جماعت آتا رہبر کمیٹی ءِ رہبری نا گرج ءِ ، دا پدریسہ چور مچائے شور فلم نا فلاپ شو ءِ پیش کننگ ءُ، الیکشن کمیشن آف پاکستان ءِ یرغمال کرسا اثرانداز مننگ نامذموم کوشست نا ترندی اٹ مذمتءِ کینہ ۔ پنچ شنبے نادے آ ڈاکٹر فردوس عاشق اعوان تینا ٹویٹ اٹی پارے کہ نن تینا موقف و نظریہ غا سلوک اُن ۔ ایلو فتیانبار احتساب آن نرنگ نا کسر ءِ اختیار کروک ءُ افن ۔ اوپارے کہ وزیراعظم عمران خان آئین نا حکمرانی ، کانود نا بالادستی و بے پرخ احتساب نا داعی ءِ ، مچ آ قوم گواہ ءِ کہ ملک انا غٹ آن بھلا عدالت دیرءِ صادق و امین گوندا و دیر بددیانت مس ۔
