اسلام آباد ۔ 21نومبر (اے پی پی) وزیر خارجہ شاہ محمود قریشی تون پاکستان نا پنی آ لوک فنکار الغوزہ نواز اکبر خان خمیسو و اختر علی چنار پنچ شنبے نادے آ وزارت خارجہ ٹی اوڑدہی کریر ۔ داوخت آ وزیر خارجہ پارے کہ ننا فنکارآک ننا نہادی میرات ءُ، ہرا مچ آ دنیا ٹی تینا فن ءِ نشان ترسا پاکستان نا پن ءِ روشنا کننگ ءُ ۔ ہڑتوم آ فنکار آک 25نومبر آ سعودی عرب اٹی اسلامی ملک آتا تنظیم (او آئی سی ) نا پنجاسالہ (گولڈن جوبلی) دود آتے ٹی تینا فن ءِ نشان ترسا پاکستان نا نمائندگی ءِ کیرہ ۔ وزیر خارجہ ہڑتوم آ فنکار آتے کن نیک است خواہی تا درشانی ءِ کرے ۔
