اسلام آباد ۔ 21نومبر (اے پی پی) وزیر خارجہ شاہ محمود قریشی پارینے کہ سی پیک ڈیہہ ٹی بدلی نا استعارہ ءِ، بیلٹ اینڈ روڈ ڈٹ انا کمک اٹ ڈیجیٹل رابطہ، سیل و سوات ، دودوربیدگی رابطہ و پائیدار شونداری کون آ بھرم دوئی مریک ۔ اقتصادی راہداری نا ارٹ میکو مرحلہ ٹی ننا چکار صنعت سازی و معاشی و معاشرتی شونداری آمرکوز ءِ ۔ داخیال آتا درشانی ءِ او پاکستان اٹی چین نا سفیر یاءوجنگ تون اوڑدہی ٹی گپ و تران کرسا پارے ہراڈل ا تون اوار پنچ شنبے نادے آ وزارت خارجہ ٹی اوڑتون اوڑدہی کرے ۔ ترجمان دفتر خارجہ نار داٹ اوڑدہی ٹی پاک چین اقتصادی راہداری ، ون بیلٹ ون روڈ تون اوار تین پہ تینی است خواہی نا معاملہ غاتیا گپ و تران کننگا ۔ وزیر خارجہ پارے کہ پاک چین سنگتی دا عہداٹی سرسہبی نا عظیم ءُ مثال اس جوڑ مسنے ۔ وزیراعظم عمران خان و چین نا صدر شی نا نیام اٹ مروک آ خڑکی نئے بیرہ ہڑتوم آ ملک آتے کن بلکن مچ آ ڈیہہ کن جوڑ جاڑ و شونداری نا ضامن ءِ ۔ اوپارے کہ سی پیک و بیلٹ اینڈ روڈ کون آ ڈٹ آتا پوروی آن اڑاند آک چٹرہ ، الس خڑک بریرہ و رابطہ غاتے مون آ دننگک ۔ شاہ محمود قریشی پارے کہ پاک چین اقتصادی راہداری نا پوروی آن ڈیہہ ٹی معاشی شونداری و شونہالی نا دوردورہ مریک ۔ پاک چین اقتصادی راہداری نا رداٹ بناکروک آ ڈٹ آتا وخت آ پوروی ءِ المی کننگ کن ’’سی پیک اتھارٹی ‘‘ اس جوڑ کننگانے ۔ وزیر خارجہ پارے کہ زوت خصوصی اقتصادی زون جوڑ کننگ والا اُن، سی پیک ڈیہہ ٹی بدلی نا استعارہ ءِ، بیلٹ اینڈ روڈ ڈٹ انا کمک اٹ ڈیجیٹل رابطہ، سیل و سوات ، دودوربیدہ رابطہ و پائیدار شونداری کون آ بھرم دوئی مریک ۔ اقتصادی راہداری نا ارٹ میکو مرحلہ ٹی ننا چکار صنعت سازی و معاشی و معاشرتی شونداری آٹے ۔ چینی سفیر وزیر خارجہ نا منت واری ءِ ہرفسا پارے کہ پاکستان چین نا پت دار سنگت مننگ تون اوار اوار اہم ڈیہہ تا گزرگاہ ءِ پاک چین اقتصادی راہداری آن ڈیہہ ٹی رابطہ غاتے مون آ دننگ رسینگک و ہندا رابطہ غاتا مون آ دننگ ہی پاک چین اقتصادی راہداری نا خاصہ ءِ ۔
