اسلام آباد ۔ 20 نومبر (اے پی پی) وزیراعظم لیپ ٹاپ اسکیم نا رداٹ مچ آ ملک انا چندی یونیورسٹی تیٹی 8 ہزار طالب علم وزیراعظم اسکیم اٹی پندار مننگ آن پد ہم تینا لیپ ٹاپ آتے وصول کتنو ۔ ہائیر ایجوکیشن کمیشن دا طالب علم آتے پارینے کہ او ہندا سال 15دسمبر اسکان تینا لیپ ٹاپ آتے وصول کیر ۔ چارشنبے نادے آ ایچ ای سی نا عہدیدار ’’اے پی پی‘‘ ءِ پارے کہ 8 ہزار طالب علم آتے پارت کننگانے کہ او تروک آ آخیریکو تاریخ آن مست تینا لیپ ٹاپ آتے وصول کیر ۔ اوپارے کہ مچ آ ملک انا بڑزکو تعلیمی ادارہ غاتے ٹی تعلیم حاصل کروک آ طالب علم آتے ٹی 40 ہزار لیپ ٹاپ آن 32ہزار لیپ ٹاپ بشخنگانے وخت اس کہ 8 ہزار نا خڑک زیر التواءءُ ۔ اوپارے کہ دا طالب علم آتا گچینی ءِ میرٹ نا بنداو آ کننگاسس ولے او چندی سوب آتا بنا آ تینا لیپ ٹاپ دوئی کننگ کتنو ۔ اسہ سوج اسے نا ورندی ٹی عہدیدار پارے کہ اگہ طالب علم آک تینا لیپ ٹاپ آتے دوئی کننگ اٹ بے سہب مسر تو دا لیپ ٹاپ آتے بروک آ حقدار طالب علم آتے تننگک ۔
