اسلام آباد ۔ 20 نومبر (اے پی پی) بنجائی وزیر ڈٹ بندی، شونداری و اصلاحات و اسپیشل انیشی ایٹوز اسد عمر وزارت نا چارج ءِ سنبھالا ۔ وزارت نا کنڈآن چارشنبے نادے آ جاری بیان نا رداٹ سیکرٹری پلاننگ ظفر حسن بنجائی وزیر اسد عمر ءِ بنجائی شونداری ڈٹ و پبلک سیکٹر نا شونداری پروگرام، فنڈ و جاری پیسہ غاتا بابت حوال تس ۔ بنجائی وزیر ءِ ملک اٹی وزارت ڈٹ بندی شونداری وا صلاحات نا ڈٹ و ایلو معاملہ غاتا بارواٹ ہم سرجم معلومدار کننگا، داوخت آ وزارت نا بڑزکو کمامدارآک ہم ساڑی ئسر ۔ بنجائی وزیر ءِ چین پاک اقتصادی راہداری (سی پیک) نا رداٹ جاری ڈٹ آتا بارواٹ ہم پاننگا ۔ داوخت آ بنجائی وزیر اسد عمر پارے کہ وزارت ءِ پوسکن آ گام گیج آتیا چکار کروئی مریک و کاریم نا آب ءِ مثالی و المی جوڑ کروئی مریک تانکہ الس نا پیسہ غاتے بچفنگے ۔ اوخصوصی اقتصادی زون، راجی و معاشی ڈٹ و کم شون ہلوک علاقہ خاص کر گوادر اٹی لس بندغ نا زند ءِ گچین کننگ نا اہمیت آ زور شاغا ۔
