اسلام آباد ۔ 20نومبر(اے پی پی) پاکستان تحریک انصاف ءِ راجی اسمبلی ء ِ باسک احمد حسین ڈیہڑءَ گشتگ کہ مزن وزیر عمران خانءِ سروکی ءَ ملک ءَ را چہ جیڑہء ُ جنجالا ں درکنگءِ ھاترءَ حکومت گوں دلجمی ءَ کار کنگءَ اِنت، مزن وزیر عمران خان ءِ سروکی ءَ ملک پہ دیمروئیءِ نیمگءَ رہادگ بوتگ، اُلس ءَ ایشانی برورد رسگءَ اَنت ۔ چارشمبے ءِ روچءَ ’’ اے پی پی ‘‘ ءَ گوں گپء ُ تران کنانءَ آئیءَ گشتگ کہ درس اے گپء ِ منوک اَنت کہ پاکستان تحریک انصاف ءَ را اُلسی ہمراہ داری ہما وہدءَ رستگ کہ آ جیڑہء ُ جنجالانی آماچ بوتگ، بلے مزن وزیر عمران خان ءَ سرج میں دلجمیء ُ بہادری ءَ گوں جوانیں پالیسی آنی ردءَ ملک ءَ را چہ پدمنتگیءَ درکنگءِ ھاترءَ شپء ُ روچ کار کتگ ۔ یک جستے ءِ پسوءَ راجی اسمبلی ء ِ باسک احمد حسین ڈیہڑءَ گشتگ کہ مزن وزیر عمران خان ءَ کہ اے داب ءَ کشمیرءِ جیڑہءَ را دنیاءِ دیماءَ چست کتگ ایشیءِ درور دگہ ایچ جاگہءَ نیست ۔
