اسلام آباد ۔ 20نومبر(اے پی پی) مزن وزیر ءِ حاسیں کمک کار ڈاکٹر فردوس عاشق اعوان ءَ گشتگ کہ مولانا صاحب انچو حالی دستءَ اسلام آبادءَ اَتکگ انچوں حالی دستءَ واتر بوتگ ۔ آئیءِ سیاسی روہتگ اُلسءَ بُّراِتگ اَنت، بلے آ گشیت کہ آ جمہوریت ءَ گوں بیرگرگ لوٹ ایت ۔ راج ءَ اے گپ دیست کہ کے اسلام آبادءَ چہ ڈن کپتء ُ کے نیشت ۔ چارشمبے ءِ روچءَ وتی ٹویٹءَ ڈاکٹرفردوس عاشق اعوان ءَ گشتگ کہ اُلس ءَ شمارا نہ من اِتگء ُ اے پکہ کتگ کہ آ شدت پسندآں گوں ہم گام نہ بنت ۔ اُلس ءَ آئیءِ درائیں پلان نہ من اِتگء ُ آئیءَ پلان ’’ ایگزٹ‘‘ ءِ سہارا زُرتگ ء ُ ’’ روڈ بلاک‘‘ پلان ہم اُلس ءَ نہ من اِتگ ۔ آئیءَ گشتگ کہ مولانا جمہوریت ءِ کشکءَ وتی اناءِ ڈنگراں ایر مکنتء ُ وتی سیاسی بانداتءَ حراب مہ کنت، آ وتءَ را سیاسی ردءَ سوبّک مہ کنت ۔ ڈاکٹر فردوس عاشق اعوانءَ گشتگ کہ ما تحمل ء ُ سگء ُ اوپار کتگء ُ جمہوری گامگیج چست کتگ ۔ آئیءِ زھرشانیءِ حقءَ را من اِتگ ۔ عمران خانءِ دھرنہ ءِ حلاپءَ آئیءِ کستء ُکینگی زھرشانی ء ُ دھمکی راج دپترءِ بھر اَنت ۔ اے ہما مزن گس اِنت کہ آئیءِ بچ آئیءِ کرسیءِ سرءَ نشتگء ُ پگار دست گرگءَ ہوار ایندگہ آسراتی چست کنگءَ اِنت اے آسراتیء ُ پگار پہ آئیءَ حلالء ُ جائز اَنت ۔
