مزن وزیر ءَ سی پیک منصوبگ آنی سر ءَ دیمروئی کار آنی گام آناں ترند کنگ ءِ کوشست آناں ساڑات
اسلام آباد ۔ 20 نومبر (اے پی پی) مزن وزیر عمران خان ءَ گوں بنجاھی وزیر برائے نیشنل فوڈ سیکورٹی اینڈ ریسرچ مخدوم خسرو بختیار ءَ مزن وزیر کارگس ءَ گند ءُُ نند کت ۔ چار شمبے ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءَ مخدوم خسرو بختیار ءِ وزیر ءِ منصوبگ بندی ءِ بستار ءُُ ھاسیں رنگ ءَ سی پیک منصوبگ ءِ نوکیں فیز ءِ بنگیج کنگ ءُُ جاڑیگیں منصوبگ آنی سر ءَ دیمروئی گام آنی ترند کنگ ءُُ ایشاناں پکوئیں رنگ دیگ ءِ رد ءَ کتگیں کوشست آناں ساڑات ۔ سی پیک منصوبگ ءِ نوکیں فیز ءَ ارزشتیں شوبگ ، چوش کہ کشت ءُُ کشاری، گریب آنی ھلاسی، صنعت، ھاٹیگ، رسانک ءَ ابید ارزشتی ایں شوبگ آنی بھر جوڑ کنگ بوتگ ۔ گند ءُُ نند ءَ مزن وزیر عمران خان ءَ گوشت کہ ملکی معیشت ءَ کشت ءُُ کشاری ءِ ارزشت ءِ رد ءَ ایشرا نوکیں زمہ واری دیگ بوتگ تانکہ کشت ءُُ کشاری ءِ شوبگ ءَ دیمروئی ءِ کار ترند بہ بیت ۔ کشت ءُُ کشاری ءَ گوں سیادی داروکیں ھمک شوبگ ءِ دیمروئی حکومت ءِ اولی ترجی آنی تہ ءَ ھوار انت ۔ آئی ءَ گوشت کہ ملکی جی ڈی پی ءَ کشت ءُُ کشاری ءِ شوبگ ءِ بھر ءُُ ملکی ورک فورس ءِ پنجاھ درسد اے شوبگ ءَ گوں بندوک بوھگ کشت ءُُ کشار ءِ ملکی معیشت ءَ ارزشت ءِ آدینک انت ۔ حکومت ءِ گیشاں چہ گیش کوشست انت کہ سی پیک ءَ ھوار گیجگ ءَ پد کشت ءُُ کشاری شوبگ ءَ چینی ازمکاری ءَ جوانیں سیت در جنگ بہ بیت ءُُ دھکان آناں نوکیں ٹیکنالوجی ءَ گوں سئیگ ءُُ سرپد کنگ بہ بیت ءُُ نوکیں کار رپک کنگ بہ بیت تانکہ کشت ءُُ کشاری شوبگ ءَ ملکی پیداوار ءَ را گیش ودینگ بہ بیت ۔ مزن وزیر ءَ امیت سہرا کت کہ مخدوم خسرو بختیار کشت ءُُ کشاری شوبگ ءَ دیمروئی ءِ واستہ وتی ھاٹیگ آناں کارمرد کناں ۔
