سیکرٹری تجارت سردار احمد نواز سکھیرا ءِ پاک ۔ اوگان ٹرانزٹ ٹریڈ منوگری ءِ چیر دستی ءَ استیں سیٹ اپ ءُُ ایندگر ارزشتی ایں کار آپریشنل تک ءَ جیڈھ ءُُ مشکلہ آنی سر ءَ سرج میں بریفنگ
اسلام آباد ۔ 20 نومبر (اے پی پی) مزن وزیر عمران خان ءِ سروکی ءَ پاک اوگان ٹرانزٹ ٹریڈ ءُُ ٹرانزٹ ٹریڈ ءِ نظام ءَ را گہتر کنگ ءِ رد ءَ چار شمبے ءَ دیوان ءِ برجم دارگ بوت ۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ انفارمیشن ٹیکنالوجی ءِ وزیر خالد مقبول صدیقی، زرّئی کار آنی وزیر سیدّ علی حیدر زیدی، بنجاھی وزیر ریلوے شیخ رشید احمد ، مزن وزیر ءِ مشیر برائے ھزانگ ڈاکٹر عبدالحفیظ شیخ، مشیر تجارت عبدالرزاق داءود، ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، سٹیٹ بینک ءِ گورنر رضا باقر، سیکرٹری تجارت سردار احمد نواز سکھیرا، سیکرٹری درئی کار سہیل محمود ءُُ ایندگر کلانہ ایں کارندہ ھوار اتنت ۔ سیکرٹری تجارت سردار احمد نواز سکھیرا ءَ پاک ۔ اوگان ٹرانزٹ ٹریڈ منوگری ءِ چیر دستی ءَ استیں سیٹ اپ ءُُ سمگلنگ ءِ وسیلگ ءَ پاکستانی منڈی آنی تہ ءَ سامان آناں واپس آرگ بہ بیت، ایشی ءَ چہ ملکی صنعت سک باز آماچ بیت ایشی ءَ ھوار آپریشنل تک ءِ جیڈھ آنی سر ءَ سرج میں بریفنگ دات ۔ مزن وزیر ءَ گوشت کہ اوگانستان ءَ چاگردی ءُُ اقتصادی دیمروئی ءِ جوانیں رند پد آنی رد ءَ پاکستان ءَ وتی ھمساھگیں لینڈ لاکڈ ملک آناں ٹرانزٹ ٹریڈ ءِ آسراتی پجارینگ ءِ جزم کتگ پدا ھم آئی ءَ پنت ءُُ شون کت کہ اے آسراتی ءَ را ردئی ءَ کارمرد کنگ بہ بیت ءُُ پاکستانی صنعت ءِ دیمروئی ءَ را ایشی ءَ چہ تاوان مہ رس ایت ۔ مزن وزیر ءَ گوشت کہ صنعت آنی دیمروئی ءُُ سامان آنی ڈن ءَ برگ ءِ پڑ ءِ تہ ءَ گیشی استیں حکومت ءِ المی ایں کار آنی تہ ءَ ھوار انت ۔ آئی ءَ پاک ۔ اوگان ٹرانزٹ ٹریڈ منوگری ءَ را اوگان کارندہ آنی گوما نزیکی ءَ چہ گہتر جوڑ کنگ ءِ ضلورت ءِ زور دات تانکہ دوئیں ملک ءُُ پڑ آنی واستہ ایشی ءَ چہ گہتریں رنگ ءَ سیت چست کنگ بہ بیت ۔ مزن وزیر ءَ اے منوگری ءَ چہ زاتی سیت آنی ردئی ءَ کارمرد کنگ ءِ وستہ ٹیکنالوجی ءَ را کارمرد کنگ ءِ ضلورت ءِ زور پر دات ۔ آئی ءَ وزارت ءِ تجارت ءَ را پنت ءُُ شون کت کہ اے رد ءَ سئے روچے اندر ءَ ٹوھیں گامگیج پیش کنگ بہ بیت ءُُ ایشی ءِ تیاری ءَ توا میں آپریشنل بھر آنی رد ءَ کنگ بہ بیت ءُُ لوٹ بوتگیں انتظامی گامگیج آناں نشان دیگ بہ بیت تانکہ اے منوگری ءِ مول ءُُ مراد آنی در جنگ ءِ واستہ ساپ ءُُ سلہ ایں ءُُ کرپشن ءَ چہ پاکیں انتظامی گامگیج بوت بہ کنت ۔
