اسلام آباد ۔ 19 نومبر (اے پی پی) مزن وزیر عمران خان ءَ سئے شمبے ءِ روچ ءَ سری لنکا ءِ نوک گچین بوتگیں صدر گوتابایا راجہ پاکسے ءَ را ٹیلی فون ءِ سر ءَ گپ ءُُ تران کت ءُُ آئی ءَ را سوشلسٹ جمہوریہ سری لنکا ءِ ھپتمی صدر گچین بوھگ ءِ پد ءَ مبارکی دات ۔ مزن وزیر عمران خان ءَ گوشت کہ استیں گچین کاری ءَ صدر راجہ پاکسے ءِ ویژن ءُُ سروکی ءِ سر ءَ سری لنکا ءِ الس ءِ دل یکیمی ءِ درشان انت ۔ مزن وزیر ءَ امیت سہرا کت کہ صدر راجہ پاکسے ءِ سروکی ءَ سری لنکا بے دروریں دیمروئی ءُُ وشھالی ءِ سیم سر آں در جنت ۔ گپ ءُُ تران ءِ تہ ءَ پاکستان ءُُ سری لنکا ءِ نیام ءَ بے مٹیں یکوئی آنی سر ءَ باست ءُُ واست کنگ بوت ۔ دوئیں سروک آں پاکستان ءُُ سری لنکا ءِ نیام ءَ جتا جتائیں شوبگ آنی تہ ءَ دو نیمگی یکوئی آناں گیش ودینگ ءِ سر ءَ تپاک کت ۔ مزن وزیر ءَ سری لنکا ءِ صدر ءَ را پاکستان ءِ دعوت ھم دات ۔ صدر گوتا بایا راجہ پاکسے ءَ دعوت قبول کت ۔
