کوءٹہ ۔ 19 نومبر (اے پی پی) چیف سیکرٹری بلوچستان کیپٹن ریٹائرڈ فضیل اصغر پارینے کہ لائیو اسٹاک نا بشخ صوبہ ٹی اہمیت تخک دادے پوسکن آ وڑوڈول آتیا اتنگ کن گام گیج کننگ انگ ءِ تانکہ ملکی پیداوار ءِ ودفنگ مرے ہراڑان ملک معاشی وڑاٹ سوگو مریک ۔ داخیال آتا درشانی ءِ او بلوچستان لائیو اسٹاک ایکسپو نا ارٹ میکو دے انا دود آن تران کرسا کرے دود اٹی وزیراعلیٰ بلوچستان جام کمال خان صوبائی سلاہکار لائیو اسٹاک مٹھاخان کاکڑ، ڈپٹی گورنر سیستان بلوچستان و ایلو بڑزکو کمامدارآک ساڑی ئسر ، چیف سیکرٹری بلوچستان پارے کہ لائیو اسٹاک نا بشخ اٹی زرکار آتے کن روشنا گمان ساڑی ءِ و ایکسپو نا اڈتننگ آن زرکارآک چکاری مریرہ ۔ وخت اس کہ ایکسپو ءِ اڈتننگ نا بنداوی مسخت زرکار آتا پت ءِ بحال کننگ ءِ اوپارے کہ صوبائی حکومت مر مر انگا علاقہ غاتے ٹی مالدار تا آگاہی کن تربیتی کیمپس خلیک داکا ن بیدس چیف سیکرٹری بلوچستان کوءٹہ شار اٹی سفائی نا حالیت آتا سختی اٹ نوٹس ءِ ہلسا ضلعی انتظامیہ ءِ پارت کرے کہ کوءٹہ شار اٹی سفائی نا بست و بند آتے گچین کننگے و داچرجوئی ٹی ہچ ءُ ڈیوالائی اسے سگنگ پننگک ۔ اوپارے کہ ہر شاری نا فرض ءِ کہ او میٹروپولیٹن کارپوریشن تون کمک کے انتئے کہ دا ننا غٹ انا شار ءِ و کوءٹہ نا روایتی حسن انا بحالی ننا اولیت آتے ٹی اوار ءِ ۔
