اسلام آباد ۔ 19 نومبر (اے پی پی)چیئرمین سینیٹ محمد صادق سنجرانیءَ گوشت کہ پاکستان ءُُ ہالینڈ ءِ میان ءَ دیریگیں ،دوستیءِ سیادی انت،پارلیمانی سیادی ءَ را مھکم کنان ءَ دوئیں ملکانی میان ءَ معاشی رھوت ءَ را پراھی دیگ بہ بیت، دوئیں ملک وت مہ وتی بیءپارءِ پراھی ءِ ھاترا یکجاھیں لاءحہ عمل ءَ جوڈ کن انت ۔ پارلیمان اقتصادی کمک ءِ پراھی ءِ ھاترا ہمک وڈءِ کمک کنگ ءَ پہ ساجو انت ۔ پارلیمانی ڈلانی مٹ ءُُ سٹ ءِ تہ ودکی باز ہژدری انت ۔ اے ھیالانی درشان آہاں سئے شمبے ءَ ہالینڈ ءُُ فلسطین ءِ سفیراں گوں جتا جتاھیں گند ءُُ نند کتگ ۔ گند ءُُ نند ءِ تہ وت مہ وتی اندوہناکی ءِ امور ءِ سرا گپ ءُُ تران بوتگ ۔ گند ءُُ نند ءِ تہ چیئرمین سینیٹ ءَ گوشت کہ پاکستان ءُُ ہالینڈ ءِ میان ءَ دیریگیں ،دوستانہ سیادی انت،پارلیمانی سیادی ءَ را مھکم جوڈ کنان ءَ دوئیں ملکانی میان ءَ معاشی رھوت ءَ را پراھی دیگ بہ بیت، دوئیں ملک وت مہ وتی بیءپارءَ را پراھی دیگ ءِ ھاترا یکجاھیں لاءحہ عمل ءَ جوڈ کن انت ۔ آہاں گوشت کہ پارلیمان اقتصادی کمک ءِ پراھی ءِ ھاترا ہروڈ یں کمک پھجارگ ءِ ھاترا تیار انت ۔ پارلیمانی ڈلانی مٹ ءُُ سٹ ءِ تہ ودکی ضلوری انت ۔ آہاں گوشت کہ دوئیں ملک وتی پارلیمان ءِ تہ استیں سنگتی گروپ ءَ را گیش ایکٹو کن انت،زوربرتگیں کشمیر ءِ تہ جاڑی انسانی حقانی ھلاپ ورزی دگنیا ءِ دلگوشی ءِ منتظر انت،میاں اوستمانی براتری بھارتی جارحیت ءُُ انسانی حقانی ھلاپ ورزیانی ھلاپ ءَ توار ءَ برز کنگ ءَ پہ وتی کرد ءَ ادا کن انت ۔ ہالینڈ ءِ سفیرءَ گوشت کہ پاکستان ءِ گوما سیادی ءَ را باز ارزشت ءَ دیگ اوں ۔ معاشی کمک ءِ پراھی ءَ چہ دگہ تکانی تہ رھوت مھکم جوڈ کنگ ءَ کمک رسیت ۔ تصفیہ طلب جیڈھانی پُرامنیں حل ءَ لوٹگ اوں ۔ چیئرمین سینیٹ صادق سنجرانیءَ گوشت کہ پاکستان ءُُ فلسطینی مذہبی ،ربیدگی رھوت ءِ گوما جذباتی اخوت ءِ رھوت ءَ بستگ انت ۔ پاکستان ءِ فلسطین ءِ معاملہاءِ سرا گپ پدر انت ۔ فلسطین ءِ مہلوک ءِ سیاسی ،سفارتیءُُ اخلاقی کمک برجاہ دارایت ۔ میاں اوستمانی دگنیا کشمیر ءُُ فلسطین ءِ دیریگیں جیڈھانی حل ءِ ھاترا وتی کرد ادا کن ایت ۔ چیئرمین سینیٹ ءِ گوما گند ءُُ نند ءِ تہ فلسطینی سفیر ءَ گوشت کہ زوربرتگیں کشمیر ءُُ فلسطین ءِ جیڈھ ءِ سرا پاکستان کرد مثالی بوتگ ۔ مقبوضہ کشمیر ءُُ فلسطین ءِ جیڈھ ءِ حل ءِ ھاترا میاں اوستمانی کاوش ناکافی انت ۔ پاکستان ءِ دیریگیں گپ ءُُ چکاریں کمک ءِ سرا سرج میں فلسطینی راج منت وار انت ۔ صادق سنجرانیءَ گوشت کہ پاکستان ءَ میاں اوستمانی امن ءُُ ایمنی ءِ ھاترا ہروھد شریں کرد ادا کتگ ۔ مقبوضہ کشمیر ءُُ فلسطین ءِ مہلوک میاں اوستمانی کمک ءِ منتظر انت ۔ آہاں گوشت کہ انسانی ھقانی ھلاپ ورزی ءُُ مہلوک ءِ سرا زلم ءُُ زوراکی بند کنائینگ ءِ تہ میاں اوستمانی براھندگی وتی کرد ءَ ادا کن ایت ۔
