اسلام آباد ۔ 19 نومبر (اے پی پی)مزن وزیر عمران خان ءِ ھاسیں کمکار برائے یوتھ افیئرز عثمان ڈارءَ حزب احتلاف ءِ گلاں را گوشت کہ آں ھکومت ءِ گوما پج بنت تنکہ پارلییمنٹ ءِ معاملہ ءَ را گہتر ءِ وڈءَ دیما برگ بنت ءُُ لس مردماں را ریلیف رسیت ۔ جندی ٹےلی وےژن چےنل ءِ گوما گپ ءُُ تران کنان ءَ گوشت کہ تحریک انصاف ءِ حکومت پُرامیت انت کہ پاکستان ءَ را مالیاتی بحران چہ درآتک معیشت ءَ را راستیں نیمگا برانت ۔ آہاں گوشت کہ حزب احتلاف ءِ سیاست دان سمجھداری ءِ مظاہرہ کن انت تنکہ زوت انصاف ءُُ راجی گہترکاری ءِ معاملہانی سرا گپ ءُُ تران بوت کن ایت، اے مئے آئینی زمہ واری انت کہ پارلیمنٹ ءِ تہ لس مہلوک ءُُ راجی ادارگہانی جاورءَ را گہتر کنگ ءِ ھاترا پیسلہ کن انت ۔ ھاسیں کمکاربرائے یوتھ افیئرز عثمان ڈار ءَ گیش گوشت کہ حزب احتلافءِ گلاں پارلیمنٹ ءِ تہ مزن وزیر عمران کان ءِ گچین ءِ حکومت ءِ احترام کنگ لوٹ ایت،مارءَ ننداک ءُُ حزب احتلاف ءِ گلانی بلیک میلنگ ءَ چہ ہچ ھطرہ نیست انت،راجی اتحادءِ ھلاپ پندل کنوکاں را راج کدی ھم پہلی نہ دات،آہاں سدکی دات کہ پاکستان تحریک انصاف ءِ حکومت مہلوک ءَ گوں کتگیں وعدہ ءَ پیلو کن ایت ءُُ آہانی امیت ءِ سرا پورا بیت ۔
