اسلام آباد ۔ 19 نومبر (اے پی پی) بنجاھی کابینہ ءَ گوں تپاکی ءَ پیسلہ کتگ کہ محمد نواز شریف ءِ ھوالگ ءَ لاہور ہائیکورٹ ءِ ادارکی پیسلہ ءِ ھلاپ ءَ جم کنگ نہ بیت پدا ھم میرٹ ءِ بنیات ءَ کیس ءِ پیسلہ ءِ سر ءَ حکومت ءِ اپیل کنگ ءِ ھک است انت، کابینہ ءَ 65سال ءَ چہ گیس ءِ امبرے مردم ءُُ کسانیں امبرے کیزی آنی ءُُ ھما کہ کسانیں کیز ءِ ھاترا بندی اَنت ، لس معافی دیگ ءِ در جنگ ءِ پیسلہ کتگ، بنجاھی کابینہ ءَ نیشنل ٹیرف ءُُ ایشی ءِ مٹوئی ھاٹیگ ءِ پالیشی ءِ منظوری داتگ، گیشینتگیں پالیشی ءَ را یکجائی سیت ءِ کونسل ءَ پیش کنگ بہ بیت تانکہ ایشی ءِ سر ءَ پکوئیں منظوری ءِ کار سرجم کنگ بہ بیت، مزن وزیر عمران خان ءَ وانندگیں مردم آنی روزگار ءِ موہ ءَ را گیش ودینگ ءِ سر ءَ زور پر دات، مزن وزیر ءَ ھالیگیں پوسٹ آنی ھوالگ ءَ نہ وشی ءِ درشان ءَ کنان ءَ پنت ءُُ شون کتگ کہ ادارگ آنی سروک آنی اپوائنٹمنت آنی کار زوتاں چہ زوت کنگ بہ بیت، مزن وزیر عمران خان ءَ پنت ءُُ شون داتگ کہ ھالیگیں پوسٹ آنی سر ءَ مردم آنی سیلیکشن ءِ واستہ پلان یک ھپتگے ءَ مزن وزیر کارگس ءَ پجاری کنگ بہ بیت، کابینہ ءَ وزیر ءِ ھاٹیگ عمرایوب ءُُ آئی ءِ ٹیمب ءِ کوشست آناں ساڑاتگ ۔ مزن وزیر ءِ ھاسیں کمکار برائے اھوالکاری ءُُ شنگ کاری فردوس عاشق اعوان ءَ بنجاھی وزیر کانود ءُُ انصاف بیرسٹر فروغ نسیم ءِ ھمبراھی ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ بریفنگ دیان ءَ گوشت کہ دیوان ءِ بنگیج ءَ مزن وزیر ءَ معاشی ٹِک آنی گہتری ءِ پد ءَ حکومتی معاشی ٹیمب ءِ کوشست آناں ساڑات ءُُ مبارکی دات ۔ مزن وزیر ءَ گوشت کہ اقتصادی ٹِک آنی گہتری ءَ چہ ملک ءَ کاروباری برات وش ءُُ شات ءُُ دیم پہ گہتری ءَ جنزگ ءَ انت ۔ ایشی ءِ گہتری ءَ چہ میاں اوستمانی سرمایہ کاری ءِ دلبڈی ھم بیت ۔ ایشاں چہ ابید وزیر برائے زرّئی کار ءَ گوشت کہ وزارت ءِ زرّئی کار ءِ نیمگ ءَ چہ بلوچستان ، سندھ، خیبرپختونخوا ءُُ پنجاب ءِ ھندی دمگ آنی نودربر آناں وظیفہ دیگ بیت انت تانکہ آ وتی زانشت ءِ سفر ءَ جاڑی داشت کت بہ کن اَنت ۔ وزارت ءِ انفارمیشن ٹیکنالوجی ءِ نیمگ ءَ گوشگ بوت کہ سرکاری ہسپتال آنی تہ ءَ آیوکیں مریز آنی ڈیٹا انفارمیشن ٹیکنالوجی ءِ کار ازم آناں کارمردم کنان ءَ مُچ کنگ بوھگ ءَ انت تانکہ ایشاناں جان سلامتی ءِ جوانیں آسراتی پجاری کنگ ءَ دل یکیمی کنگ بہ بیت ۔ وزارت ءِ انفارمیشن ٹیکنالوجی ءِ نیمگ ءَ گیش گوشگ بوت کہ ورنا آناں نوکری ءِ پٹ ءُُ پول ءِ آسراتی پجارینگ ءِ واستہ نیشنل جاب پورٹل ءِ برجائی کنگ بہ بیت ۔ مزن وزیر ءَ اے ھال ءِ سر ءَ نہ وشی ءِ درشان کت کہ ملک ءَ زانشتکاریں مردم آنی مٹ ءَ بے وانندگیں مردم آنی واستہ موہ گیش است انت ۔ مزن وزیر ءَ گوشت کہ ایشی ءَ چہ سہرا بیت کہ استیں بلدکاریں مردم آنی ’’افرادی قوت‘‘ ءُُ کارکیٹ ءِ ضلورت ءِ نیام ءَ پرک است انت ایشرا مئے ھیل کاری سکھارینگ ءِ ادارگ سرجم کت نہ کنگ ءَ آں ھمے ھاترا ایشی ءِ سر ءَ پکوئیں دلگوشی دیگ لوٹ ایت ۔ بنجاھی کابینہ ءَ اقتصادی رابطہ کمیٹی ءِ 08نومبر 2019ءِ پیسلہ آناں ’’توثیق‘‘ کت ۔ کابینہ ءَ را گوشت بوت کہ 27 وزار آنی جتا جتائیں ادارگ آنی 134ھالیگیں پوسٹ است ۔ کابینہ ءَ را گوشت بوت ۔
