اسلام آباد ۔ 19 نومبر (اے پی پی) مزن وزیر عمران خان ءَ اوگانستان ءَ پروفیسر کیون کنگ اورٹموتھی ویکس ءِ یلو کنگ ءَ را وش اتک کتگ ۔ سئے شمبے ءَ مزن وزیر ءَ وتی یک ٹویٹے ءِ تہ ءَ گوشت کہ پاکستان پروفیسر کیون کنگ اورٹموتھی ویکس ءِ یلو بوھگ ءَ را وش اتک کنت ۔ آئی ءَ گوشت کہ ما ایشی ءِ یلو بوھگ ءَ توا میں کرد آنی نیمگ ءَ کتگیں گامگیج آناں ساڑات ۔ آئی ءَ گوشت کہ میاں اوستمانی برات آنی بھر بوھان ءَ پاکستان اوگان الس ءِ مشکل آناں ھلاس کنگ ءُُ ایمنی ءِ برجائی ءِ واستہ کار کنگ ءَ انت ۔ آئیءَ گوشت کہ پاکستان ءَ پروفیسرز آنی یلو کنگ ءِ واستہ سرج میں کمک ءُُ آسراتی پجاری کتگ ۔ آئی ءَ گوشت کہ اوگان جیڈھ ءِ گپ ءُُ تران ءِ وسیلگ ءَ سیاسی گیواری ءِ واستہ گامگیج آنی کمک پاکستان ءِ پالیشی انت ۔ آئی ءَ گوشت کہ ما امیت دار آں کہ اے گامگیج ءَ چہ ایمنی ءِ کار ءَ چہ ایمنی ءَ را دووارگ بنگیج کنگ ءِ واستہ توا میں سیادی داروکیں پریک آنی دل یکیمی ءِ تہ ءَ گیشی بیت ۔ آئی ءَ گوشت کہ پاکستان اوگان ایمنی ءِ کار ءِ وستہ آسراتی پجاری کنگ ءِ وتی جزم ءِ سر ءَ آں ۔ یات دارگ بہ بیت کہ دوئیں اوگان دارالحکومت کابل ءَ 7اگست 2016ءَ بیگواہ کنگ بوتگ ۔ امریکی پروفیسر 50سالہ ٹموتھی ویکس ءُُ 63سالی کیون کنگ ءَ را اوگانستان ءِ زرّباری زابل ءَ یلو کنگ بوتگ ۔
