اسلام آباد ۔ 19 نومبر (اے پی پی) چین پاکستان اقتصادی راہداری (سی پیک) ڈٹ انا رداٹ چین گوادر اٹی 19 فیکٹری نا جوڑ کننگ آن بیدس صوبائی کہول آ کانڑکنی، کشت وکشار، ماہی گیری و دیر انا بشخ آتے ٹی زرکاری کیک ۔ سی پیک اتھارٹی نا کمامدارآتارداٹ چین گوادر اٹی 19 فیکٹری جوڑ کننگ ءِ ہراڑان بلوچستان نا ورناتے روزگار نا وارخواہی دوبریک ۔ چین بلوچستان اٹی کشت وکشار، ماہی گیری و دیر انا بشخ آتے ٹی زرکاری نا کمک اٹ جوڑ جاڑ و شونداری نا است خواہ ءِ ۔ بلوچستان حقی وڑاٹ سی پیک ڈٹ انا بھرم تیان فائدہ ہرفک وخت اس کہ اوغانستان و نیامی ایشیائی ملک آک ہم دا میگا پروجیکٹ آن فائدہ ہرفرہ ۔ اومستی پارے کہ چینی ادارہ بلوچستان اٹی دیر انا ویل انا ایسری تون اوار اوار 50 ووکیشنل ٹریننگ سینٹر ہم جوڑ کننگ ءِ ہراڑان صوبہ شونداری نا کسر آ روان مریک ۔
