’’کنے انت اکن کشار‘‘ آن ’’خدا نا پن اٹ کنے کشبو‘‘ نا سفر داسہ ایسر نا کنڈا ہِننگ ءِ، چوہدری فواد حسین

اسلام آباد ۔ 19 نومبر (اے پی پی) بنجائی وزیر سائنس اینڈ ٹیکنالوجی چوہدری فواد حسین پارینے کہ کنے انت اکن کشار‘‘ آن ’’خدانا پن اٹ کنے کشبو‘‘ نا سفر داسہ ایسر نا کنڈا ہِننگ ءِ ۔ دُن انگا لیڈر شپ ہراتم وونٹ اکن عزت خواہک تو دراصل جمہوری نظام آ ملنڈ مریک ۔ سے شنبے نادے آ بنجائی وزیر تینا ٹویٹ اٹی پارے کہ کنے مسلم لیگ (ن) نا ہمو ورکرز آتون ہمدردی ءِ ہرا نواز شریف ءِ لیڈر منسا دے و نن خجل خوار مرسا کریر ۔