اسلام آباد ۔ 19 نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ او دعاکننگ ءِ کہ اللہ تعالیٰ محمد نواز شریف ءِ جان جوڑ کے، اونا جان جوڑ مننگ کن دعا کینہ کہ او زوت جان جوڑ مرے تانکہ پدی برسا کانود تون مون تننگ کے، وزیراعظم عمران خان تینا طرز عمل آن انسانی شرف و کانود نا بالادستی نا روشنا مثال اس قائم کرینے ۔ وزیراعظم نا خصوصی کمکار ڈاکٹر فردوس عاشق اعوان سے شنبے نادے آ تینا ٹویٹ اٹی پارے کہ وزیراعظم عمران خان ملکی شونداری و السی شونہالی نا مشن آ کاربندءِ ، بروک آ دے تیٹی السی ریلیف کن بھلو ایکشن مون آ بریک، زرگزران نا بحالی تون اوار اوار الس کن آسانیک ہم ودسا کارہ ۔ اوپارے کہ عمران خان ءِ باتننگ نا کوشست کروک آک مدام اوڑان باتسنو، پین وخت اس ہم با ایترہ، اسہ کنڈ مافیا ءِ تو ایلو کنڈ عمران خان نا کماشی ٹی الس ءِ ۔
