اسلام آباد ۔ 19 نومبر (اے پی پی) ترک سلہہ بند فوج انا کمانڈر جنرل یاشر گلر پاک بحریہ نا قائم مقام سروک وائس ایڈمرل محمد فیاض جیلانی تون خصوصی اوڑدہی کرے ، اوڑدہی ٹی تین پہ تینی است خواہی و دفاعی کمکاری نا معاملہ غاتیا گپ و تران مس ۔ ترجمان پاک بحریہ نا رداٹ ترک سلہہ بند فوج انا کمانڈر جنرل یاشر گلر نا نیول ہیڈ کوارٹرز اسلام آباد نا دورہ ءِ کرے ، نیول ہیڈ کوارٹر ز آ بننگ آ قائم مقام چیف آف دی نیول اسٹاف وائس ایڈمرل محمد فیاض جیلانی شرفدار آ مہمان ءِ بخیر کرے ۔ شرفدار آ مہمان ءِ روایتی وڑاٹ گارڈ آف آنر پیش کننگا ۔ شرفدار آ مہمان نیول ہیڈ کوارٹرز اٹی یات گار شہید آتیا پھل آتا چادر اس شاغا ۔ اونا پرنسپل اسٹاف آفیسر آتون درستی راستی ءِ کرفنگا ۔ ترک کمانڈر وائس ایڈمرل محمد فیاض جیلانی تون خصوصی اوڑدہی کرے ۔ شرفدار آ مہمان ءِ کشمیر آ پاکستان نا اصولی موقف آن ہم معلومدار کننگا ۔ ترک کمانڈر نا دا دورہ ہڑتوم آ ملک خاص کر سلہہ بند فوج انا نیام اٹ تعلقداری تے پین مون آ دیک ۔
