پاکستان و چین نا تین پہ تینی ہم گرنچی ستاکڑزک، وزیر داخلہ اعجاز احمد شاہ نا چینی سفیر تون گپ و تران

اسلام آباد ۔ 19نومبر (اے پی پی) وزیر داخلہ اعجاز احمد شاہ پارینے کہ پاکستان و چین نا تین پہ تینی ہم گرنچی ستاکڑزک، سیکورٹی و ایلو داخلی معاملہ غاتیا پورو نظر ءِ ۔ داخیال آتا درشانی ءِ او سے شنبے نادے آ چینی سفیر یاءوجنگ اتون اوڑدہی ٹی کرے ۔ اوڑدہی ٹی تین پہ تینی معاملہ و سیکورٹی نا حالیت آتیا سرجم گپ و تران مس ۔ اوپارے کہ سفارتی کمامدارآتے کن آسراتی تا فراوانی ءِ المی کننگ ننا فرض ءِ ۔ داوخت آ چینی سفیر سیف سٹی و اینٹی سمگلنگ نا پروجیکٹ ءِ سرسہب کننگ کن پورو کمک و ہروڑنا کڑد ادا کننگ نا پیش کش کرے ہرانا وزیر داخلہ خیرمقدم ءِ کرے ۔ چینی سفیر دھرنہ ءِ جوان و پرامن وڑاٹ چٹفنگ آ وزیر داخلہ نا کارکڑد گی نا ستاءِ کرے ۔ داوخت آ چینی سفیر پارے کہ پاکستان نا سسٹم و پالیسی نا شرف ءِ کینہ ۔ سیکورٹی نا ساڑی حالیت و ننکن ساڑی آسراتی تیان است جم اُن ۔