کرنٹ اکاءونٹ نسخان اٹی کمتی ، درآمد آتے ٹی ودکی، زرگزران درست سمت آ روان ءِ، معاشی اصلاحات نا گچین بھرم مون آ بننگ ءِ، وزیراعظم عمران خان نا ٹویٹ

اسلام آباد ۔ 19 نومبر (اے پی پی) وزیراعظم عمران خان پارینے کہ پاکستان نا زرگزران درست سمت آ روان ءِ، معاشی اصلاحات نا گچین بھرم مون آ بننگ ءِ، اینخو مالی سال انا اولیکو چار تُو اٹی کرنٹ اکاءونٹ نا نسخان اٹی تدوک آ مالی سال انا داوخت انا مقابلہ ٹی 73;46;5 درسد نا کمتی واقع مسنے ۔ سے شنبے نادے آ تینا ٹویٹ اٹی وزیر اعظم عمران خان پارے کہ اینخو سال اکتوبر اٹی ننا مصنوعات و خذمت آتا برآمد آتے ٹی داڑان مست انا تُو انا مقابلہ ٹی 20 درسد و تدوک آ سال اکتوبر نا مقابلہ ٹی 9;46;6 درسد نا شرح آن ودکی مسنے ۔ پاکستان نا کرنٹ اکاءونٹ تدوک آ چار سال انا وخت اٹی اولیکو وار اکتوبر اٹی سرپلس مس ۔ اینخو سال اکتوبر اٹی کرنٹ اکاءونٹ بیلنس 9 کروڑ 90 لکھ ڈالر آن زیات ریکارڈ کننگا ہراکہ اینخو سال ستمبر اٹی 28 کروڑ 40 لکھ ڈالر وخت اس کہ اکتوبر 2018ء ٹی اسہ ارب 28 کروڑ ڈالر ئس ۔ اوپارے کہ او برآمد آتے ٹی ودکی آ برآمد کنندگان آتے مبارکباد پیش کیک ۔