بلوچستا ن اٹی زرکاری نا بھلو وارخواہی اس ساڑی ارے داڑے نئے بیرہ لائیو اسٹاک بلکن سولر انرجی ونڈ انرجی ، کشت وکشار ، بنداوی پنجر، سیل و سوات نا بشخ اٹی بھلو زرکاری اسے نا وارخواہی ساڑی ءِ ، چیف سیکرٹری بلوچستان کیپٹن (ر) فضیل اصغر

کوءٹہ ۔ 18 نومبر (اے پی پی) چیف سیکرٹری بلوچستان کیپٹن (ر) فضیل اصغر پارینے کہ بلوچستا ن اٹی زرکاری نا بھلو وارخواہی اس ساڑی ارے داڑے نئے بیرہ لائیو اسٹاک بلکن سولر انرجی ونڈ انرجی ، کشت وکشار ، بنداوی پنجر، سیل و سوات نا بشخ اٹی بھلو زرکاری اسے نا وارخواہی ساڑی ءِ داڑے معدنیات گوادر بندرگاہ و سی پیک نا بشخ آتے ٹی ہم زرکاری کننگ مریک لائیو اسٹاک نا بشخ بے کچ اہمیت تخک ۔ ہراڑان زیات تر خلقت نا زرگزران نا سیبو ہم ہندا بشخ اتون گنڈوک ءِ، داخیال آتا درشانی ءِ او اولیکو بلوچستان لائیو اسٹاک ایکسپو 2019 ء نا بنائی دود اٹی بشخ ہلوک آتیان تران کرسا کرے ۔ مہمان خاص صدر مملکت ڈاکٹر عارف علوی ئس ۔ دود اٹی گورنر بلوچستان امان اللہ خان یاسین زئی،وزیراعلیٰ بلوچستان جام کمال خان صوبائی وزیرآک، اسمبلی نا باسک آک، کمانڈر سدرن کمانڈ لیفٹیننٹ جنرل وسیم اشرف آن بیدس چندی کمپنی تا سی ای اوز سفارت کارآک ہم ساڑی ئسر ۔ چیف سیکرٹری بلوچستان پارے کہ اینو نادے اسہ تاریخی ءُ حیثیت اس تخک و نن صوبہ نا اولیکو لائیو اسٹاک ایکسپو نا بناءِ کننگ اُن و دا ننکن خوشی نا سوب ءِ کہ صدر مملکت ڈاکٹر عارف علوی دا اہمیت نا حامل ایکسپو نا مہمان خاص ءِ اوپارے کہ دا بدبختی ءِ کہ مستین اٹی دا اہم وڑنا بشخ انا گچینی کن ہچ ءُ خاص گام گیج کننگتنے ساڑی حکومت لائیو اسٹاک انڈسٹری ءِ مون آ دننگ کن گچین گام گیج کننگ ءِ و داوخت انا اہم گرج ءِ نن لائیو اسٹاک نا پیداوار نا بابت پالیسی تیا بایدے نظر شاغن، اوپارے کہ 75 درسد خلقت نا سیبو اینو ہم کشت وکشار و لائیو اسٹاک آٹے، بلوچستان نا لائیو اسٹاک سُو و ایلو گڑاتا دروشم اٹی گچین خور انا ذریعہ ءِ چیف سیکرٹری پارے کہ لائیو اسٹاک سیکٹر اٹی زرکاری نا است چکوک وارخواہی ساڑی ءِ بلکن لائیو اسٹاک نا پیداوار جان جوڑ دوست ہم ارے اوپارے کہ لائیو اسٹاک نا نمو کن ننے غٹ ءِ اواری اٹ کڑد ادا کروئی مریک و کنے یخین ءِ کہ نن دا بشخ ءِ شونداری نا بڑزی تیا اواری اٹ دینہ ۔ اوزرکار آتیان مخاطب مرسا پارے کہ بلوچستان رقبہ نا لحاظ اٹ پاکستان نا غٹ آن بھلا صوبہ ءِ و دا گل زمین قدرتی وسیلہ غاتیان مالامال ءِ، داڑے ہیرہ، خیسن و ایلو معدنیات نا بھلو کوڑی ارے نن تون وسیلہ ارے ۔ چیف سیکرٹری بلوچستان پارے کہ ننے لائیو اسٹاک نا بشخ اٹی قابل ذکرپیش رفت تون اوار اوار ننے حلال فوڈ انڈسٹری ، وول پروسیسنگ یونٹس، ترکی و شتر مرغ فارمنگ، کمرشل پولٹری فارمنگ، پوسکن مذبح خانہ، سُو پروسیسنگ ، پیکنگ یونٹس آتون اوار اوار لائیو اسٹاک مارکیٹ آتا ٹہیفنگ کن ہم گام گیج کروئی مریک ۔