توا میں وزارت ءُُ محکمہ آنی پنچ کسی کمیٹی جوڑ کنگ بیت ایشی ءِ سروکی ءَ بیست گریڈ ءِ اپسرگ یا جوائنٹ سیکرٹری کنت انت، ترجمان مزن وزیر کارگس
اسلام آباد ۔ 18 نومبر (اے پی پی) مزن وزیر عمران خان ءَ سٹیزن پورٹل ءِ سر ءَ شہری مردم آنی شکاست آنی گیواری نہ کنگ ءِ پد ءَ کارندہ آں گوں ترندی ءِ درشان کتگ ۔ ترجمان مزن وزیر کارگس ءِ رد ءَ توا میں وزارت ءُُ محکمہ آنی تہ ءَ پنچ کسی کمیٹی جوڑ کنگ بیت ایشی ءِ سروکی ءَ بیست گریڈ ءِ اپسرگ یا جوائنٹ سیکرٹری کنت انت، کمیٹی اپسرگ آنی کار کرد ءَ چار ءُُ بچار کنت، توا میں گیوار بوتگیں شکاست، گیوار نہ بوتگیں شکاست ءُُ ھرابی آنی نشان دیگ بنداتی لڑ ءَ کنگ بنت، مزنیں اپسرگ ءِ مٹ ءَ شکاست دست چیریں کارندہ آنی ھوالگ ءَ کنگ بنت ایشی ءِ سبب ءَ جیڈھ گیواری ءِ مٹ ءَ دراج بُر بوھگ ءَ انت ۔ بازیں شکاست ءِ ھوالگ ءَ ریلیف نہ دیگ ءِ مھک میں سبب گوشگ نہ بنت ءُُ بازیں کیسز آناں گائیڈ لائن ءِ چیر دستی ءَ گیوار کنگ ءِ مٹ ءَ بند کنگ بنت ۔ گیش ایش کہ اپسرگ آنی کرّا شکاست آنی گیواری ءِ اچ مسلی ثبوت نہ بیت انت ۔ مزن وزیر پاکستان ءِ نیمگ ءَ توا میں وزارت ، محکمہ ءُُ ادارگ آناں چار ءُُ بچاری رپوٹ جم کنگ ءِ پنت ءُُ شون جاڑی کنگ بوتگ ۔ توا میں وزارت محکمہ ، کمیٹی 30 روچ ءِ اندر ءَ مزن وزیر ءَ را وتی رپوٹ ءَ پیش کناں ۔ اے رد ءَ توا میں وزارت ءُُ صوبائی محکمہ آناں نمدی نبشتہ کنگ بوتگ ۔
