اسلام آباد ۔ 18 نومبر (اے پی پی) مزن وزیر عمران خان ءَ ضلع نارووال ءَ السی گہبودی ءُُ دیمروئی منصوبگ آنی زوت سرجمی ءِ دل یکیمی دیان ءَ گوشت کہ اے رد ءَ بنجاھی حکومت زوت پنت ءُُ شون جاڑی کنت انت ۔ آئی ءَ اے گپ دو شمبے ءَ ادا ضلع نارووال ءَ گوں سیادی داروکیں پاکستان تحریک انصاف ءِ ھندی سروک ءَ گند ءُُ نند ءَ تران کت ۔ مزن وزیر ءِ ھاسیں کمکار ندیم افضل چن ھم اے گند ءُُ نند ءِ موہ ءَ ساڑی ات ۔ ضلع نارووال ءَ گوں سیادی داروکیں پاکستان تحریک انصاف ءِ ھندی سروک آنی تہ ءَ ابرار الحق، چوہدری طارق انیس ءُُ کرنل (ریٹائرڈ) جاوید کاہلوں ھوار اتنت ۔ آئی ءَ گوشت کہ مزن وزیر عمران خان ءَ کرتار پور راہداری ءِ پچ کنگ ءَ مبارک بات دات ءُُ مزن وزیر ءَ تحصیل شکر گڑھ ءِ تر ءُُ تاب ءِ دعوت دات ۔ مزن وزیر ءَ ضلع ءِ نارووال ءَ السی گہبود ءُُ دیمروئی منصوبگ آنی زوت سرجمی ءِ دل یکیمی کت ءُُ گوشت کہ اے رد ءَ بنجاھی حکومت زوت پنت ءُُ شون جاڑی کنت انت ۔
