مزن وزیر ءِ داتگیں پنت ءُُ شون ءِ پد ءَ وزارت ءُُ محکمہ آنی نیمگ ءَ اُلسی گہبود ی گامیگیج آنی رپوٹ مزن وزیر کارگس ءَ را پیش کنگ بوت، عمران خان ءِ توا میں وزارت ، مشیر ءُُ ھاسیں کمکار آناں الس ءَ را آسراتی پجارینگ ءُُ آوانی گہبود ءِ واستہ نوکیں گامگیج ءِ بنگیج کنگ ءِ پنت ءُُ شون، رپوٹ ءَ جتا جتائیں وزارت ءُُ محکمہ آنی نیمگ ءَ السی گہبود ءِ ھوالگ ءَ انوگ ءَ تاں 64 نوکیں گامگیج آناں نشان دات، نوکیں گامگیج وزارت ءُُ محکمہ آنی ھمروچگیں زمہ واری آں ابید انت،
رپوٹ ءِ رد ءَ 64نوکیں گامگیج آں چہ 35 ءِ سر ءَ کار بوتگ وھدیکہ 28سر ءَ کار جاڑیگ انت
اسلام آباد ۔ 18 نومبر (اے پی پی) مزن وزیر عمران خان ءِ پنت ءُُ شون ءِ پد ءَ جتا جتائیں وزارت ءُُ محکمہ آنی نیمگ ءَ السی گہبود ءِ رکھینگ ءِ رد ءَ چست کتگیں گامگیج آنی سر ءَ رپوٹ مزن وزیر کارگس ءَ پیش کنگ بوت وھدیکہ مزن وزیر عمران خان ءَ توا میں وزارت ، مشیر ءُُ ھاسیں کمکار آناں پنت ءُُ شون کت کہ السی آناں آسراتی دیگ ءُُ ایشانی گہبود ءِ واستہ نوکیں گامگیج کنگ بہ بنت ۔ آئی ءَ گوشت کہ بازیں جیڈھ انچیں است انت کہ اچ ھرچ ءُُ درچ ءَ ابید انتظامی گامگی آں چہ الس ءَ را آسراتی دیگ بوت کنت ۔ رپوٹ ءَ جتا جتائیں وزارت ءُُ محکمہ آنی نیمگ ءَ السی گہبود ءِ ھوالگ ءَ انوگ ءَ تاں 64نوکیں گامگیج ءَ را نشان داتگ ۔ نوکیں گامگیج وزارت ءُُ محکمہ آنی ھمروچگیں زمہ واری آں چہ ابید انت ۔ رپوٹ ءِ رد ءَ 64نوکیں گامگیج ءَ چہ 35 ءِ سر ءَ کار بوتگ وھدیکہ 28ءِ سر ءَ کار برجا انت ۔ اے گامگیج آنی مول ءُُ مراد زندمان ءَ را گہتر کنگ ءُُ لس مردم ءِ زندمان ءَ را آسان جوڑ کنگ ءُُ اے جیڈھ آناں گیوار کنگ انت ھما واں کہ گوستگیں وھد ءَ دلگوشی دیگ نہ بوتگ ۔ مزن وزیر عمران خان ءَ توا میں وزیر ، مشیر ءُُ ھاسیں کمکار آناں پنت ءُُ شون کتگ کہ الس آناں آسراتی پجاری ءُُ ایشانی گہبود ءِ واستہ نوکیں گامگیج کنگ بہ بنت ۔ آئی ءَ گوشت کہ بازیں جیڈھ انچیں است انت کہ آوانی اچ ھرچ ءُُ درچ ءِ ضلورت نہ انت ایوک ءَ انتظامی گامگیج ءَ چہ الس آناں آسراتی رست کُت کنت ۔ وزارت برائے ڈن ملک پاکستانیز آنی نیمگ ءَ گوشگ بوت کہ ڈن ملک پاکستانی آنی آسراتی ءِ واستہ ’’کال سرزمین‘‘ ءِ نام ءَ چہ موبائل ایپلیکیشن بندات کنگ بوتگ ۔ رپورٹ ءِ رد ءَ وزات انفارمیشن ٹیکنالوجی ءِ نیمگ ءَ گوشگ بوت کہ نیشنل انکیوبیشن سنٹر پشاور ءِ نیمگ ءَ اشکر ءِ چات ءِ جنگ ءِ شوبگ ءَ چہ سیادی داروکیں مردم آنی واستہ سمارٹ ہیلمٹ سہرا کنگ بوتگ ۔ وزارت ءِ پارلیمانی کار ءِ نیمگ ءَ گوشگ بوت کہ نیشنل اسمبلی ءُُ سینٹ ءَ لس مردم ءِ واستہد گیلری جوڑ کنگ بوھگ ءَ انت ۔ ایشی ءِ سر ءَ مزنیں کساس ءَ کار ھم کنگ بوتگ ۔
