صدر مملکت عارف علوی کوءٹہ ٹی مسہ دے ئی لائیو اسٹاک ایکسپو نا بناءِ کرے، صدر مملکت نا لائیو اسٹاک ایکسپو ٹی خلوک آ اسٹال تا معائنہ، دودوربیدہ اسٹال آتے ٹی است خواہی نا درشان

کوءٹہ ۔ 18 نومبر (اے پی پی) صدر مملکت عارف علوی کوءٹہ ٹی مسہ دے ئی لائیو اسٹاک ایکسپو نا بناءِ کرے، بلوچستان اٹی تینا وڑنا اڈ ہلوک آ دا دود حکومت بلوچستان جہانی ادارہ خور کشت وکشار ، جامعہ بلوچستان و نجی ادارہ غاتا تین پہ تینی شریداری اٹ اڈ تننگ انگ ءِ ، بنائی دود اٹی صدر مملکت عارف علوی تون اوار گورنر بلوچستان جسٹس (ر) امان اللہ خان یاسین زئی ، وزیراعلیٰ بلوچستان جام کمال خان ، کمانڈر سدرن کمانڈ لیفٹیننٹ جنرل وسیم اشرف، سلاہکار لائیو اسٹاک بلوچستان مٹھاخان کاکڑ، چیف سیکرٹری بلوچستان فضیل اصغر ، وزیراعلیٰ بلوچستان اسپیشل اسسٹنٹ میر اعجاز سنجرانی، وائس چانسلر ڈاکٹر انور پانیزئی ئسک ہم ساڑی ئسر ۔ صدر مملکت لائیو اسٹاک ایکسپو ٹی خلوک آ چندی اسٹال آتا ہم معائنہ ءِ کرے و دودوربیدہ نا بابت جوڑ کروک آ اسٹال آتے ٹی بھاز است خواہی ظاہر کرے ۔