صدر مملکت ڈاکٹر عارف علوی بلوچستان لائیو اسٹاک پالیسی 2020-30 نا باضابطہ پڑو ءِ کرے

کوءٹہ ۔ 18 نومبر (اے پی پی) صدر مملکت ڈاکٹر عارف علوی دوشنبے نادے آ کوءٹہ ٹی بلوچستان لائیو اسٹاک پالیسی 2020-30 نا باضابطہ پڑو ءِ کرے ۔ یونیورسٹی آف بلوچستان نا آڈیٹوریل اٹی اڈ ہلوک آ بلوچستان لائیو اسٹاک ایکسپو نا بنائی دود اٹی صدر مملکت حکومت بلوچستان نا کنڈآن صوبہ ٹی لائیو اسٹاک نا بشخ انا شونداری و مون آ دننگ کن جوڑ کروک آ پوسکن آ صوبائی پالیسی نا پڑو ءِ کرے ۔ دا وخت آ گورنر بلوچستان جسٹس (ر) امان اللہ خان یاسین زئی ، وزیراعلیٰ بلوچستان جام کمال خان ، کمانڈر سدرن کمانڈ لیفٹیننٹ جنرل وسیم اشرف، سلاہکار لائیو اسٹاک مٹھاخان کاکڑ، چیف سیکرٹری بلوچستان فضیل اصغر ئسک ہم ساڑی ئسر ۔ صدر مملکت عارف علوی پوسکن آ بلوچستان لائیو اسٹاک پالیسی نا ستاءِ کرسا پارے کہ صوبہ ٹی 70 درسد آن زیات بندغ آتا ذریعہ معاش لائیواسٹاک نا بشخ اتون گنڈوک ءِ پوسکن آ پالیسی دا بشخ اتون گنڈوک بندغ آتا معاشی حالیت آتا گچینی ٹی کمکار مریک و داڑان لائیو اسٹاک نا بشخ اٹی ملکی و درملکی زرکاری ءِ مون آ دننگ دوئی مریک ۔